ભરૂચ LCB પોલીસની દારૂના બુટલેગરો સામે લાલ આંખ
ઉછાલી જવાના માર્ગ ઉપર આવેલ ફાર્મ હાઉસ પર LCBના દરોડા
પોલીસે ૪૮ હજારનો મુદ્દામાલ કબ્જે કર્યો
ભરૂચ એલસીબીએ તિરંગ હોટેલથી ઉછાલી ગામ જવાના માર્ગ ઉપર આવેલ ફાર્મ હાઉસના ઓરડીમાંથી ૪૮ હજારના વિદેશી દારૂના જથ્થા સાથે એક ઈસમને ઝડપી પાડ્યો હતો
ભરૂચ એલસીબી પોલીસ મથકનો સ્ટાફ પેટ્રોલિંગમાં હતો તે દરમિયાન બાતમી મળી હતી કે અંકલેશ્વર હાઈવે ઉપર સ્થિત તિરંગ હોટેલથી ઉછાલી ગામ જવાના માર્ગ ઉપર આવેલ ફાર્મ હાઉસના ઓરડીમાં વિદેશી દારૂનો જથ્થો સંતાડેલ છે જેવી બાતમીના આધારે પોલીસે દરોડા પાડયા હતા પોલીસે સ્થળ પરથી વિદેશી દારૂની ૪૮૦ નંગ બોટલ મળી આવી હતી પોલીસે ૪૮ હજારનો મુદ્દામાલ સાથે મૂળ સુરતના અને હાલ ફાર્મ હાઉસ ખાતે રહેતો હસમુખ મંજી વડોદોરીયાને ઝડપી પાડ્યો હતો અને તેની પુછપરછ કરતા આ જથ્થો બે કલાક માટે માંડવા ગામનો બુટલેગર સુનીલ ઉર્ફે રાજુ મૂકી ગયો હોવાનું કબુલ કર્યું હતું.પોલીસે ઝડપાયેલ ઈસમને અંકલેશ્વર તાલુકા પોલીસ મથકને હવાલે કરી અન્ય બુટલેગરને વોન્ટેડ જાહેર કરી વધુ તપાસ હાથ ધરી છે.
વિડિઓ જર્નલિસ્ટ ધર્મેન્દ્ર પ્રસાદ સાથે સત્યા ટીવી અંકલેશ્વર
