અંકલેશ્વરમાં રાજપીપળા ચોકડી ઓવર બ્રીજ પર સર્જાયો અકસ્માત
બાઈક સવારોને ટ્રક ચાલકે અડફેટમાં લેતા બે યુવાનોને પહોંચી ઈજાઓ
૧૦૮ સેવાની મદદ વડે સારવાર અર્થે ખસેડાયા
અકસ્માતની જાણ થતા બી ડીવીઝન પોલીસે ગુનો નોંધી તપાસ હાથ ધરી
અંકલેશ્વર હાઇવે ઉપર રાજપીપળા ચોકડી ઓવર બ્રીજ ઉપર બાઈક સવારોને ટ્રક ચાલકે અડફેટે લેતા બે યુવાનોને ઈજાઓ પહોંચી હતી.
બાઈક નંબર-જી.જે.૧૬.બી.આર.૦૦૪૨ લઇ બે યુવાનો અંકલેશ્વર નેશનલ હાઇવે ઉપરથી પસાર થઇ રહ્યા હતા તે દરમિયાન રાજપીપળા ચોકડી ઓવર બ્રીજ ઉપર પુરપાટ ઝડપે ધસી આવેલ ટ્રેલર નંબર-આર.જે.૧૪.જી.જે.૨૭૬૭ના ચાલકે બાઈક સવારોને ટક્કર મારતા અકસ્માત સર્જાયો હતો .આ અકસ્માતમાં બંને યુવાનોને ઈજાઓ પહોંચતા તેઓને ૧૦૮ સેવાની મદદ વડે સારવાર માટે ખસેડવામાં આવ્યા હતા અકસ્માત અંગેની જાણ બી ડીવીઝન પોલીસે ગુનો નોંધી તપાસ હાથ ધરી છે.
વિડીયો જર્નાલિસ્ટ આકાશ પાટીલ સાથે સુરજ પટેલ સત્યા ટીવી અંકલેશ્વર
