અમદાવાદમાં દર અષાઢી બીજે યોજાતી રથયાત્રાને લઇને તડામાર તૈયારી ચાલી રહી છે. રથયાત્રા પૂર્વે યોજાતી કળશ યાત્રાને લઇને તૈયારીને આખરી ઓપ આપી દેવાઇ છે.
અમદાવાદમાં જગન્નાથ મંદિરમાં રથયાત્રાને લઇને તૈયારીઓ શરૂ થઇ ગઇ છે. આજે જળયાત્રા પૂર્વે જગન્નાથજીની વિશેષ પૂજા કરવામાં આવી હતી. જેમાં મુખ્યમંત્રી ભૂપેન્દ્ર પટેલ પણ જોડાયા હતા.
દર વર્ષની જેમ આ વર્ષે પણ રથયાત્રા પૂર્વે પરંપરાગત રીતે જળયાત્રા યોજાશે. જળયાત્રા પૂર્વ આજે જગન્નાથના મંદિરે વિશેષ પૂજા અને આરતીનું આયોજન કરવામાં આવ્યું હતું. આ અવસરે સી એમ ભુપેન્દ્ર પટેલ જગન્નાથજીના દર્શન પહોંચ્યા હતા અને જગન્નાથજીની પૂજા આરતી કરી હતી. આ અવસરે મંદિરના મહંત દિલીપદાસજી અને ટ્રસ્ટી દ્વારા તેમની ફૂલોનો હાર પહેરાવીને સન્માન કરવામાં આવ્યું હતું. મંદિર નાં ટ્રસ્ટી અને મહંતે સી એમ ભુપેન્દ્ર પટેલને ભગવાન જગન્નાથજીની તસવીર ભેટ સ્વરૂપે આપી હતી.
