નર્મદા જિલ્લાના ડેડીયાપાડા તાલુકાના ખટામ ગામે જમીન નાં ભાગ બાબતે ત્રણ ભાઈઓ એ ભાઇ પર હુમલો કરી જાનથી મારી નાંખવાની ધમકી આપતા પોલીસે ગુનો દાખલ કર્યો છે.
પ્રાપ્ત માહિતી અનુસાર સંજય નારસીંગ જાતે વસાવા ઉ.વ.આ.૨૭ ધંધો-ખેતી રહે.ખટામ નાઓએ આપેલી ફરિયાદ મુજબ તેમના બનેવી મંછી ડુંગરીયાવસાવા પોતાના ઘરના આંગણા માં હતા તે વખતે તેમના ભાઈઓ માં ભયજી ડુંગરીયા વસાવા, કરશન ડુંગરીયા વસાવા,દામજીભાઇ ડુંગરીયાભાઇ વસાવા ત્રણેય રહે.ખટામ નિશાળ ફળીયું તા.દેડીયાપાડા જિ.નર્મદા નાઓએ મંછી ને ત્યાં આવી અમો તમોને જમીનનો હિસ્સો આપવાના નથી,તેમ કહી ઝઘડો કરી મંછી ડુંગરીયા વસાવા ને માર મારી ઈજાઓ કરી ત્યાથી જતા જતા આ મંછી ને કહેતા હતા કે, આજે તો તમો બચી ગયા છે, અને બીજી વાર આ જમીન બાબતે અમારી પાસે માંગણી કરશો તો અમો તમોને જાનથી મારી નાંખીશું તેવી ધમકીઓ આપી ગુનો કરતા ડેડીયાપાડા પોલીસે ત્રણ વિરૂદ્ધ ગુનો દાખલ કર્યો છે.
વિડીયો જર્નાલિસ્ટ સર્જન વસાવા સાથે સત્યા ટીવી દેડીયાપાડા
