સુરત :શહેરના વેસુ વિસ્તારમાં ફરી વખત હિટ એન્ડ રનની ઘટના બની છે. વેસુ વિસ્તારમાં રોડની બાજુ પર જતા રાહદારીને ગાડીએ ટક્કર મારી હતી. આ અકસ્માતની ઘટના નજીકના સીસીટીવીમાં કેદ થઇ છે. પોલીસે સીસીટીવીના આધારે તપાસ શરૂ કરી છે.
શહેરમાં વેસુ વિસ્તારમાં એક કારે રાહદારીને ટક્કર મારી હતી. આ ગોઝારા અકસ્માતના દ્રશ્યો સીસીટીવીમાં કેદ થયા છે. પોલીસે સીસીટીવીન દ્રશ્યો દ્વારા તપાસનો ધમધમાટ ચાલુ કર્યો છે. હાલ પોલીસે અકસ્માતે ગુનો નોંધીને વધુ તપાસ હાથ ધરી છે.
સુરત જિલ્લા ટ્રાફિક પોલીસ દ્વારા હાઇવે પર નશો કરી, ઓવર સ્પીડથી વાહન ચલાવતા ચાલકો પર બાજ નજર રાખવામાં આવી રહી છે. નેશનલ હાઇવે પર ઊભા રહી, ઓવર સ્પીડ વાહન ચલાવતા ચાલકો પર સ્પીડ ગનનો ઉપયોગ કરી કાર્યવાહી કરવામાં આવી રહી છે. આ સ્પીડ ગનમાં ઓવર સ્પીડ ચાલતા વાહનોના ફોટા ખેચાઇ જાય છે અને બાદ પોલીસ દ્વારા ઇ ચલણ ફટકારવામાં આવે છે. પોલીસ દ્વારા બેફામ વાહન ચલાવતા ચાલકોમાં ફફડાટ ફેલાયો છે.
