ચોરઆમલા બસ સ્ટેન્ડ પાસે મહિલાનું મોત
ઇક્કો કારના ચાલકે ટક્કર મારતા મહિલા ઈજાગ્રસ્ત
ઈજાગ્રસ્ત સામુહિક આરોગ્ય કેન્દ્ર ખાતે ખસેડાઇ
સારવાર દરમિયાન મહિલાનું મોત નીપજ્યું
વાલિયા પોલીસે ગુનો નોંધી તપાસ હાથ ધરી
વાલિયા તાલુકાના ચોરઆમલા બસ સ્ટેન્ડ નજીક બાઈક ઉપરથી પડી જતા મહિલાને ઇક્કો કાર ચાલકે ટક્કર મારતા સારવાર મળે તે પહેલા જ તેણીનું કરુણ મોત નીપજ્યું હતું.
નેત્રંગ તાલુકાના રાજવાડી ગામના દેવળ ફળિયામાં રહેતા નીતા જયોનિશ વસાવા તેઓની નાની દીકરી અને પતિ સાથે ગતરોજ સવારે વાલિયા તાલુકાના ભમાડીયા ગામમાં તેઓના પિયર ખાતે આવ્યા હતા, જ્યારથી તેઓના મમ્મી લીલા રમણ વસાવા સાથે પતિ જયોનિશ વસાવાની બાઈક નંબર-જી.જે.૧૬.બી.કયું.૪૭૬૮ ઉપર સવાર થઇ સોડગામ ખાતે બેંકમાં આવી રહ્યા હતા, તે દરમિયાન ચાલુ બાઈકે ચોર આમલા બસ સ્ટેન્ડ નજીક લીલા વસાવા પડી જતા, તેઓને પાછળથી આવતી ઇક્કો કારના ચાલકે ટક્કર મારતા મહિલાને ગંભીર ઈજાઓ પહોંચી હતી. ઈજાઓને પગલે ૧૦૮ સેવાની મદદ વડે વાલિયાના સામુહિક આરોગ્ય કેન્દ્ર ખાતે ખસેડવામાં આવી હતી, જ્યાં હાજર તબીબે મહિલાને તપાસી મૃત જાહેર કરી હતી, અકસ્માત અંગે વાલિયા પોલીસે ગુનો નોંધી તપાસ હાથ ધરી છે.
વિડીયો જર્નાલિસ્ટ સંજય વસાવા સાથે સત્યા ટીવી વાલિયા
