વાગરા ના લીમડી ખાતે રહેતા મૂળ પગૂથણ ગામના
સિરાજ રૂસ્તમ પટેલ ની ધરપકડ
વાગરા,તા.૫
ભરૂચના પગુથણ ગામના ૨૬ વર્ષીય શખ્શે હિન્દૂ યુવાન તરીકે ખોટા સોશિયલ મીડિયા એકાઉન્ટ અને બોગસ આધારકાર્ડ બનાવ્યા હતા.અને બે વિદ્યાર્થીનીઓ ને પ્રેમજાળમાં ફસાવી તેમની સાથે દુષ્કર્મ આચર્યું હતુ.આ અંગે ભરૂચ પોલીસે ફરિયાદ નોંધી આરોપીની ધરપક કરી હતી.
હાલમાં ૨૦ વર્ષની ઉંમરની એક વિદ્યાર્થીની કોલેજમાં અભ્યાસ કરે છે.આ વિદ્યાર્થિની નો થોડા સમય અગાઉ મેહુલ પટેલ નામના યુવાને સોશિયલ મીડિયા દ્વારા સંપર્ક સાધ્યો હતો.અજાણ્યો વ્યક્તિ હોવાથી યુવતીએ પ્રથમ તો ભાવ આપ્યો ન હતો પણ બાદમાં પોતાના સમાજનો હોવાનો વિશ્વાસ અપાવતા મિત્રતા બાંધી હતી.વિદ્યાર્થીની ને લગ્ન માટે પ્રસ્તાવ મૂકી,લાલચ આપી પ્રેમજાળમાં ફસાવી હતી.
લગ્ન કરવાના હોવાનો વિશ્વાસ અપાવી વિદ્યાર્થિનીને ભરૂચની અલગ -અલગ બે હોટલોમાં વારંવાર લઈ જઈ તેનું શારીરિક શોષણ કર્યું હતુ.
એક દિવસ અચાનક પીડિત યુવતીના મોબાઈલ ઉપર સિરાજ રુસ્તમ પટેલ નામના વ્યક્તિની પત્નીનો ફોન આવ્યો હતો.આ યુવતીએ પતિ સાથે આડા સંબંધનો આક્ષેપ મુક્યો હતો. વાતચીત બાદ શંકા જતા પીડીતાએ પોતાની ભાભીને કોલ વિશે જાણ કરી હતી.પરિવારની તપાસમાં ભાંડો ફૂટ્યો કે મેહુલ પટેલના નામે જે યુવાન પીડિતાના સંપર્કમાં છે તે અસલમાં સિરાજ રુસ્તમ પટેલ છે.
બનાવની જાણ પોલીસતંત્રને કરવામાં આવતા ભરૂચ નાયબ પોલીસ અધિક્ષક સી કે પટેલના માર્ગદર્શન હેઠળ પોલીસ ઇન્સ્પેકટર વી કે ભૂતિયાએ તપાસ શરૂ કરી હતી. પોલીસ તપાસ માં ભાંડો ફૂટ્યો હતો કે આ શખ્શ પરણિત અને 3 બાળકોનો પિતા છે.ખોટા આધારકાર્ડ અને ફેક સોશિયલ મીડિયા એકાઉન્ટ બનાવી તે વિધર્મી યુવતીઓ ને ફસાવી શારીરિક શોષણ કરવાની માનસિકતા ધરાવે છે.જેણે કુલ બે યુવતીઓને શિકાર બનાવી હોવાની હકીકત સામે આવી છે.
રૂસ્તમના કાવતરાનો પર્દાફાશ થતા તેની વિરુદ્ધ ઇ.પી.કો કલમ- ૩૭૬, ૩૧૩, ૪૧૯, ૪૬૫, ૪૬૭, ૪૭૧, ૫૦૬(૨) મુજબ ગુનો દાખલ કરી સિરાજ રુસ્તમ પટેલ રહેવાસી પગુથણ,બાપુ નગર તા.જી. ભરૂચ અને હાલ રહેવાસી લીમડી નવી નગરી તા. વાગરા જી. ભરૂચની ધરપકડ કરવામાં આવી હતી.
ઝફર ગડીમલ,સત્યા ટીવી,વાગરા.
