ભારતમાં આ વર્ષે 5 ઓક્ટોબરથી 19 નવેમ્બર સુધી વર્લ્ડ કપ રમાશે. એવામાં ભારતીય ક્રિકેટ ટીમના રન આઉટ ઓપનર પૃથ્વી શૉએ બુધવારે નોર્થમ્પટન કાઉન્ટી ગ્રાઉન્ડ ખાતે સમરસેટ સામે વન-ડે કપ ટુર્નામેન્ટમાં નોર્થમ્પટનશાયર માટે બેવડી સદી ફટકારી હતી. 23 વર્ષના આ ખેલાડીએ 81 બોલમાં પોતાની સદી પૂરી કરી અને પછી 152 બોલમાં 244 રનની ઇનિંગ રમી હતી.
પૃથ્વી શૉ હાલમાં વન ડે કપમાં નોર્થમ્પટનશાયર ટીમ તરફથી રમી રહ્યો છે. તે આ ટૂર્નામેન્ટમાં અત્યાર સુધીમાં ત્રણ મેચ રમી ચૂક્યો છે. ત્રીજી મેચમાં પૃથ્વી શૉએ 152 બોલમાં 244 રનની ધમાકેદાર ઇનિંગ રમી હતી. આ દરમિયાન તેણે 29 ચોગ્ગા અને 11 છગ્ગા ફટકાર્યા હતા. લિસ્ટ-એ ક્રિકેટમાં પૃથ્વી શૉની આ બીજી બેવડી સદી છે.
23 વર્ષના પૃથ્વી શૉએ 81 બોલમાં પોતાની સદી પૂરી કરી હતી. ઓપનિંગ આવતા જ પૃથ્વી શો સમરસેટના બોલરો પર ખરાબ રીતે તૂટી પડ્યો હતો. આ ઇનિંગના કારણે પૃથ્વી શૉએ ઘણા રેકોર્ડ બનાવ્યા છે. પૃથ્વી શૉની ઇનિંગ્સને કારણે તેની ટીમ નોર્થમ્પટનશાયરએ સમરસેટ સામે 8 વિકેટે 415 રનનો વિશાળ સ્કોર બનાવ્યો હતો. જવાબમાં સમરસેટની ટીમ 45.1 ઓવરમાં 328 રનમાં સમેટાઈ ગઈ હતી. આ રીતે પૃથ્વી શૉએ પોતાની ટીમને 87 રનથી મેચ જીતાડ્યો હતો. મેચમાં શૉનો સ્ટ્રાઈક રેટ 159.47 હતો.
આ ઈનિંગના કારણે ભારતીય યુવા ઓપનર પૃથ્વી શૉએ ઈંગ્લેન્ડમાં ODI ક્રિકેટમાં રમાયેલી સૌરવ ગાંગુલીની સૌથી વધુ 183 રનની ઈનિંગ્સનો રેકોર્ડ તોડી નાખ્યો છે. હવે પૃથ્વી શૉ ઈંગ્લેન્ડમાં સૌથી વધુ વનડે ઈનિંગ્સ રમનાર ભારતનો પ્રથમ બેટ્સમેન બની ગયો છે.
રોહિત શર્મા પછી, પૃથ્વી શૉ લિસ્ટ-એ ક્રિકેટમાં સૌથી વધુ બેવડી સદી ફટકારનાર બીજો ભારતીય અને એકંદરે ચોથો ખેલાડી બન્યો. રોહિતના નામે 3 બેવડી સદી છે. આ સાથે જ અલી બ્રાઉન અને ટ્રેવિસ હેડના નામ પણ બે-બે છે. પૃથ્વી શૉએ ODI કપમાં ચેતેશ્વર પૂજારાનો ભારતીય દ્વારા સર્વશ્રેષ્ઠ સ્કોરનો રેકોર્ડ તોડ્યો હતો. પૃથ્વી શૉ વન ડે કપમાં બેવડી સદી ફટકારનાર ત્રીજો બેટ્સમેન બની ગયો છે.