રાજસ્થાનના ડુંગરપુર જિલ્લાના ભમાઈ ગામથી એક ચોંકાવનારી ઘટના સામે આવી છે. જ્યાં 10 જુલાઈના રોજ એક મહિલા ઘરેથી કહ્યા વગર અન્ય સમાજના યુવક સાથે વિદેશ ગઈ હતી. મહિલાને બે બાળકો છે. એક દીકરી 11 વર્ષની છે જ્યારે દીકરો 7 વર્ષનો છે. પત્ની ઘરમાંથી અચાનક ગાયબ થઈ જતાં પતિએ ચિત્રી પોલીસ સ્ટેશનમાં કેસ નોંધાવ્યો હતો. પરંતુ હજુ સુધી તેનો પત્તો લાગ્યો નથી. જેના કારણે રોષે ભરાયેલા લોકોએ ગતરોજ SP કચેરીનો ઘેરાવ કર્યો હતો.
દીપિકા બે બાળકો સાથે ગામમાં રહેતી હતી જ્યારે તેનો પતિ મુંબઈમાં કામ કરતો હતો. પતિની ગેરહાજરીમાં મહિલા અવારનવાર ગુજરાત અને ઉદયપુર સારવાર માટે જતી હતી. 10મી જુલાઈના રોજ પણ તે પોતાને બીમાર હોવાનું જણાવી સારવાર માટે ગુજરાત ગઈ હતી પરંતુ 13મી જુલાઈ સુધી પરત આવી ન હતી.
આ દરમિયાન તેણીએ તેના પતિને વોટ્સએપ પર ફોન કરીને કહ્યું હતું કે, તમે મારાથી નાખુશ હતા, તેથી હું તારાથી દૂર આવી છું…. આ સાંભળીને પતિ ચોંકી ગયો હતો. જ્યારે તે અફરતફરીમાં મુંબઈથી ઘરે આવ્યો ત્યારે તેને તેની પત્ની ગાયબ હોવાનું જણાયું. ઘરમાં તપાસ કરતાં લાખોની કિંમતના દાગીના અને રોકડ પણ ગાયબ હતી. જે બાદ પતિએ પોલીસ સ્ટેશનમાં ગુમ થયાની ફરિયાદ નોંધાવી હતી. જોકે તેની તપાસ હજુ ચાલુ છે.
મહિલાની કેટલીક તસવીરો સામે આવી છે જેમાં તે એક યુવક સાથે બુરખો પહેરેલી જોવા મળી રહી છે. જ્યારે બીજી તસવીરમાં તે સાડીમાં જોવા મળી રહી છે. આ ઘટના અંગે લોકો જુદી જુદી વાતો કરી રહ્યા છે. મહિલા કુવૈત જતી હોવાની વાત પણ સામે આવી રહી છે.
