નજીવી બાબતે બે રહીશો વચ્ચે ઝઘડો
ઝરીમોરા ગામેથી હત્યાના આરોપીને ઝડપી પાડ્યો
આરોપીને ઝડપી તેની વિરૂધ કાર્યવાહી હાથ ધરી
સુરત બારડોલી રૂરલ પોલીસે કડોદ નજીક આવેલા ઝરીમોરા ગામે હત્યાના આરોપીને ગણતરીના કલાકોમાં ઝડપી પાડ્યો હતો.
બારડોલી તાલુકાના ઝરીમોરા ગામે ગતરોજ રાત્રે ગામના મંદિર ફળિયામાં રહેતા અનિલ ધનસુખ હળપતિ નામના યુવક સાથે તેના જ ફળિયામાં રહેતા રાકેશ રવજી ચૌધરીને મોટર સાયકલની ચાવી કાઢી લેવા બાબતે ઝઘડો થતા રાકેશે અનિલને કાન ઉપર સપાટો મારી ઝઘડો કરી નીચે પાડી દેતા અનિલ હળપતિનું માથામાં ગંભીર ઇજાઓ સાથે મૃત્યુ થયું હતું. નજીવી બાબતે એક જ ફળિયાના રહીશો વચ્ચે થયેલી ઝપાઝપીમાં ફળિયાના યુવકનું મૃત્યુ થતાં ભારે ચકચાર મચીજવા પામી હતી. આજે બારડોલી પોલીસ મથકે હત્યા બાબતે કસુરવાર ગણાતા રાકેશ રવજી ચૌધરી વિરુદ્ધ હત્યાનો ગુનો દાખલ થતાં બારડોલી પોલીસે કરેલી ઝડપી તપાસ દરમિયાન આરોપી રાકેશ રવજી ચૌધરી ને તેના જ રહેઠાણના મંદિર ફળીયા, ઝરીમોરા, તા. બારડોલી મુકામેથી ગણતરીના કલાકોમાં ઝડપીને તેની વિરૂધ કાનૂની કાર્યવાહી શરૂ કરી હોવાનું જાણવા મળે છે.
વિડીયો જર્નાલિસીટ પરેશ પ્રજાપતિ સાથે સત્યા ટીવી સુરત
