દિલ્હી જી-20 સમિટ માટે તૈયાર, અમેરિકા, બ્રિટન, અને ચીનની ટીમો ભારતીય એજન્સીઓ સાથે દિલ્હીમાં કેમ્પ કરી રહી છે;

દેશની રાજધાની નવી દિલ્હી જી-20 સમિટ માટે સંપૂર્ણ રીતે તૈયાર છે. મહેમાનોની સુરક્ષા અને ભોજનની તમામ વ્યવસ્થા કરવામાં આવી છે. વિદેશી મહેમાનોની સુરક્ષા માટે અમેરિકાની સીઆઈએ, બ્રિટનની એમઆઈ-6 અને ચીનની એમએસએસની ટીમો ભારતીય એજન્સીઓ સાથે દિલ્હીમાં કેમ્પ કરી રહી છે. ભારતની સુરક્ષા એજન્સીઓની સાથે ‘અમેરિકન સિક્રેટ સર્વિસ’ના લગભગ ત્રણસો વિશેષ કમાન્ડો અમેરિકી રાષ્ટ્રપતિ જો બાઈડનની સુરક્ષામાં તૈનાત રહેશે. એવું માનવામાં આવે છે કે દિલ્હીના રસ્તાઓ પર વાહનોનો સૌથી મોટો કાફલો અમેરિકી રાષ્ટ્રપતિ જો બાઈડનનો હશે.બાઈડનના કારકેડમાં 50 થી વધુ વાહનોનો સમાવેશ કરવામાં આવશે. ચીન, બ્રિટન અને રશિયાની સુરક્ષા એજન્સીઓ ચીન, બ્રિટન અને રશિયાના વડાપ્રધાનોના આંતરિક વર્તુળની સુરક્ષાની જવાબદારી ભારતીય સુરક્ષા એજન્સી સાથે ખભે ખભા મિલાવીને નિભાવશે. આ દેશોમાંથી સુરક્ષા સંબંધિત સાધનો દિલ્હી લાવવામાં આવ્યા છે.