શાહરૂખ ખાન બોલિવૂડનો બાદશાહ તો છે જ પરંતુ હવે તે બોક્સ ઓફિસનો પણ બાદશાહ બની ગયો છે. ‘પઠાણ’થી ધમાકેદાર શરૂઆત કર્યા બાદ હવે ‘જવાન’માં શાહરૂખ ખાને કંઈક એવું કરી બતાવ્યું છે જે મોટા કલાકારો નથી કરી શકતા. શાહરૂખ ખાનની જવાને પ્રથમ દિવસે જ બમ્પર કમાણી કરીને બોલિવૂડની સૌથી વધુ કમાણી કરનારી ફિલ્મનો ખિતાબ પોતાના નામે કરી લીધો છે. જવાને રિલીઝના દિવસે જ ભારતમાં 75 કરોડ રૂપિયાનું શાનદાર કલેક્શન કર્યું હતું. હવે બીજા દિવસના કમાણીના આંકડા પણ વખાણવાલાયક છે.
શુક્રવાર વર્કિંગ ડે હોવાને કારણે જવાનના મોર્નિંગ શોમાં થોડો ઘટાડો જોવા મળ્યો હતો, પરંતુ સાંજે જવાને ગતિ પકડી હતી. બીજા દિવસે જવાને કમાણીના મામલામાં સાઉથની સુપરહિટ ફિલ્મ KGF 2ને પાછળ છોડી દીધી છે. એટલાની ફિલ્મ જવાન પણ શુક્રવારની પરીક્ષામાં સારા માર્ક્સ સાથે પાસ થઈ છે.જવાને બીજા દિવસે હિન્દીમાં ઓછામાં ઓછું 47 કરોડનું નેટ કલેક્શન કર્યું છે. જો કે આ પ્રારંભિક આંકડા છે જે 49-50 કરોડ સુધી પહોંચી શકે છે. તે જ સમયે, જવાને તમિલમાં સારી કમાણી કરી છે. જવાનના ડબ વર્ઝને બીજા દિવસે લગભગ 5.50 કરોડ રૂપિયાની કમાણી કરી હતી. એટલે કે ભારતમાં બીજા દિવસે જવાનની કમાણી 53 કરોડને પાર કરી ગઈ.
જવાને 2 દિવસમાં લગભગ 128 કરોડ રૂપિયાનું બોક્સ ઓફિસ કલેક્શન કર્યું છે, જેમાંથી માત્ર હિન્દીમાં જ જવાને કુલ 112.50 કરોડ રૂપિયાનું કલેક્શન કર્યું છે. શનિવારના વીકએન્ડને કારણે, કમાણીનો આંકડો શરૂઆતના દિવસની આસપાસ પહોંચી શકે છે અને રવિવારે આ આંકડો તેનાથી પણ વધી શકે છે. એક અંદાજ મુજબ હિન્દીમાં જ 4 દિવસમાં જવાનની કમાણી 235 કરોડ રૂપિયાને પાર કરી શકે છે. અન્ય ભાષાઓનો સમાવેશ કરવાથી 4 દિવસમાં જવાનની કમાણી 260 કરોડ રૂપિયા થઈ શકે છે.
