કાર્તિક આર્યન હાલમાં બોલિવૂડના સૌથી વ્યસ્ત કલાકારોમાંથી એક છે. તે બેક ટુ બેક શૂટિંગ કરી રહ્યો છે. અભિનેતા છેલ્લે ‘સત્યપ્રેમ કી કથા’માં જોવા મળ્યો હતો. હાલમાં તે તેની આગામી ફિલ્મ ‘ચંદુ ચેમ્પિયન’ નું શૂટિંગ કરી રહ્યો છે. કાર્તિકે ફિલ્મ વિશે અપડેટ આપી છે કારણ કે તેણે એક વીડિયો શેર કર્યો છે જેમાં તે હેરકટ કરતો જોવા મળી રહ્યો છે. ચાહકોએ પણ ઘણી પ્રતિક્રિયાઓ આપી છે
કાર્તિક આર્યને ઇન્સ્ટાગ્રામ પર એક વિડીયો શેર કર્યો છે, જેમાં આપણે અભિનેતાને ઝાડ નીચે ખુરશી પર બેઠેલા અને તેના વાળ કાપતા જોઈ શકીએ છીએ. હેરકટ્સની પ્રાઈઝ યાદી સાથેનું બોર્ડ પણ છે. વિડીયો જોયા બાદ ચાહકો હસી રહ્યા છે. એક ચાહકે લખ્યું, ‘હું પણ આવું છું.’ કેપ્શનમાં લખ્યું છે, ‘ચંદુ ચેમ્પિયન હેરકટ ’ સ્પોર્ટ્સ ડ્રામાનું નિર્દેશન કબીર ખાને કર્યું છે. સાજિદ નડિયાદવાલા આ ફિલ્મ બનાવી રહ્યા છે..