UPના દેવરિયા જિલ્લાના રૂદ્રપુર કોતવાલી વિસ્તારના ફતેહપુર ગામમાં જમીન વિવાદમાં એક જ પરિવારના છ લોકોની ગોળી મારીને હત્યા કરવામાં આવી છે. મૃતકોમાં પૂર્વ જિલ્લા પંચાયત સભ્યનો પણ સમાવેશ થાય છે. પોલીસના જણાવ્યા અનુસાર ગામના એક વ્યક્તિ સાથે જમીનનો વિવાદ ઘણા સમયથી ચાલી રહ્યો હતો.સોમવારે સવારે 7 વાગ્યાની આસપાસ બંને પક્ષો વચ્ચે ઝઘડો શરૂ થયો હતો. લડાઈ એટલી હદે વધી ગઈ કે ગોળીબારના કારણે છ લોકોના મોત થયા. પોલીસ ઘટનાસ્થળે પહોંચી ગઈ છે. ગામમાં તણાવને જોતા ગામમાં પીએસી મોકલવામાં આવી રહી છે. હત્યા બાદ ગામમાં અરાજકતાનો માહોલ છે.
September 20, 2024