બોલિવૂડની ક્વીન કંગના રનૌત સ્ટારર તેજસના ટીઝરે મોટા પડદા પર આવનાર એક્શન અને રોમાંચની ઝલક જોવા બતાવી છે. તેનાથી દેશભરના દર્શકોનો ઉત્સાહ વધ્યો છે. દર્શકોની રુચિને જોતા,નિર્માતાઓએ જાહેરાત કરી હતી. કે તેઓ 8 ઓક્ટોબર, 2023 ના રોજ એરફોર્સ ડેના અવસર પર ફિલ્મનું ટ્રેલર રિલીઝ કરશે. આ દિવસ આવી ગયો છે, નિર્માતાઓએ આખરે આજે મોસ્ટ અવેટેડ ફિલ્મનું ટ્રેલર રિલીઝ કર્યું છે.
ફિલ્મ તેજસના નિર્માતાઓએ આજે એરફોર્સ ડે પર ટ્રેલર રીલિઝ કર્યું છે, જેમાં કંગના રનૌત તીવ્ર, જુસ્સાદાર અને શક્તિશાળી એરફોર્સ પાઇલટ તેજસ ગિલની ભૂમિકામાં બતાવવામાં આવી છે. ટ્રેલરની શરૂઆત હાઈ-લેવલ એરિયલ સીન્સથી કરવામાં આવી હતી. અને દિલ જીતી લેનારા ડાયલોગએ ટ્રેલરની શરૂઆતથી જ સનસનાટી મચાવી દીધી છે.
તેજસમાં સારી રીતે કંપોઝ કરેલ સાઉન્ડટ્રેક અને પ્રભાવશાળી વિઝ્યુઅલ ઇફેક્ટ્સ સાથે, ટ્રેલર એ એક વિઝ્યુઅલ સ્પેક્ટેકલ છે જે શક્તિશાળી સંવાદો સાથે દેશભક્તિની ભાવના જગાડે છે. ટ્રેલરમાં, કંગના એક બહાદુર એરફોર્સ પાયલોટ તરીકે સ્ક્રીન પર રાજ કરતી જોવા મળે છે. કંગનાના ચહેરા પર દેખાતી ગંભીરતા અને અભિનેત્રીનો યુદ્ધ માટેનો ઉત્સાહ લોકોના દિલમાં દેશ પ્રત્યેનો જુસ્સો જગાવશે.કંગના રનૌતની ફિલ્મ તેજસનું નિર્માણ આરએસવીપી દ્વારા કરવામાં આવ્યું છે. સર્વેશ મેવાડા દ્વારા લખાયેલ અને દિગ્દર્શિત અને રોની સ્ક્રુવાલા દ્વારા નિર્મિત, આ ફિલ્મ 27 ઓક્ટોબર, 2023 ના રોજ થિયેટરોમાં આવવાની છે.
