રાજકોટ: રાજકોટમાં ખાડાના કારણે વધુ એકનું મોત થયું હોવાનું જાણવા મળી રહ્યું છે. આજીડેમથી કોઠારીયા ચોકડી તરફ જવાના પુલ પર અક્સ્માત સર્જાયો છે. ખાડાના કારણે આ અકસ્માત સર્જાયો છે. અગાઉ રામવન નજીક એક મહિલાનું સ્પીડબ્રેકરના કારણે મોત નિપજ્યું હતું. 150 ફૂટ રિંગરોડ પર રૈયા ટેલિફોન એક્સચેન્જ પાસે ખાડાને કારણે યુવકનું મોત નિપજ્યું હતું.રસ્તા પર પડેલા ખાડાના કારણે બાઈક પરથી કાબુ ગુમાવતા યુવકનું મોત નિપજ્યું છે. આ ખાડાને કારણે સર્જાયેલા અકસ્માતમા સાવન હેમંતભાઈ ખાતરાણીનું ઘટનાસ્થળે જ મોત નિપજ્યું છે.
