ભારતીય ટીમના સ્ટાર બેટ્સમેન વિરાટ કોહલીએ પુણેના એમસીએ સ્ટેડિયમમાં ઈતિહાસ રચ્યો છે. બાંગ્લાદેશ સામે વર્લ્ડ કપ 2023ની 17મી મેચમાં કિંગ કોહલીએ 103 રન બનાવ્યા હતા. કોહલીએ 77 રન બનાવતાની સાથે જ વર્લ્ડ રેકોર્ડ બનાવ્યો હતો. તમને જણાવી દઈએ કે વિરાટ કોહલી આંતરરાષ્ટ્રીય ક્રિકેટમાં સૌથી ઝડપી 26000 રન બનાવનાર બેટ્સમેન બની ગયો છે. આ મામલે તેણે સચિન તેંડુલકરને પાછળ છોડી દીધા છે. આ સિદ્ધિ મેળવનાર તે બીજો ભારતીય બેટ્સમેન બની ગયો છે.
આંતરરાષ્ટ્રીય ક્રિકેટમાં સૌથી વધુ રન બનાવનાર બેટ્સમેન
1.સચિન તેંડુલકર – 664 મેચ – 34,357 રન
- કુમાર સંગાકારા – 594 મેચ – 28,016 રન
- રિકી પોન્ટિંગ- 560 મેચ – 27,483 રન
- વિરાટ કોહલી- 511 મેચ – 26000* રન
- મહેલા જયવર્ધન – 652 મેચ – 25,957 રન
આંતરરાષ્ટ્રીય ક્રિકેટમાં વિરાટ કોહલીની આ 78મી સદી છે. માસ્ટર બ્લાસ્ટર સચિન તેંડુલકરે તેની કારકિર્દી દરમિયાન કુલ 100 આંતરરાષ્ટ્રીય સદી ફટકારી હતી. આ મામલે વિરાટ કોહલી હજુ પણ સચિનથી 22 સદી દૂર છે. સચિને તેની ODI કરિયરમાં 49 સદી ફટકારી હતી. બીજી સદી ફટકારતા જ વિરાટ આ ફોર્મેટમાં ક્રિકેટના ભગવાન સમાન બની જશે.
