દેશભરમાં આજે CA ફાઇનલ અને CA ઇન્ટરમીડિયેટની પરીક્ષાનું પરિણામ જાહેર થયું છે. જેમાં દેશમાં 8260 નવા CA મળ્યા છે. જ્યારે વડોદરા શહેરને આજે નવા 65 નવા CA મળ્યા છે. જેમાં CA ફાઇનલની પરીક્ષામાં વડોદરાના અકુંશ સંજય ચિરીમારે ઓલ ઇન્ડિયા 6 રેન્ક પ્રાપ્ત કર્યો છે.
વડોદરા શહેરમાં CA ફાઇનલમાં ફર્સ્ટ ગ્રુપનું 6.89 ટકા રિઝલ્ટ આવ્યું છે. જ્યારે સેકન્ડ ગ્રુપનું 17.49 ટકા રિઝલ્ટ આવ્યું છે. જ્યારે બંને ગ્રુપનું 30.24 ટકા રિઝલ્ટ આવ્યું છે. તો CA ઇન્ટરમીડિયેટમાં ફર્સ્ટ ગ્રુપનું 9.85 ટકા રિઝલ્ટ આવ્યું છે. જ્યારે સેકન્ડ ગ્રુપનું 32.71 ટકા રિઝલ્ટ આવ્યું છે. જ્યારે બંને ગ્રુપનું 23.04 ટકા રિઝલ્ટ આવ્યું છે.
વડોદરા CA બ્રાંચના ચેરમેન રિકિલ પટેલે જણાવ્યું હતું કે, વડોદરા શહેરમાં સીએનું સારું રિઝલ્ટ આવ્યું છે. ગત વર્ષ કરતા રિઝલ્ટમાં થોડો વધારો થયો છે. વડોદરા શહેરને આજે 60થી 65 જેટલા નવા સીએ મળ્યા છે. હું તમામ વિદ્યાર્થીઓ અભિનંદન આપુ છું.
