ગૃહ રાજ્ય મંત્રીએ કહ્યું કે ઘણી ગેરકાયદેસર વેબસાઈટ મળી આવી છે, જે રોકાણ પ્રમોશન અને અન્ય પ્રકારના કૌભાંડો સાથે જોડાયેલી છે. ગૃહ રાજ્ય મંત્રીએ કહ્યું કે પોલીસે 3.2 લાખ સિમ કાર્ડ અને 49,000 IMEIની જાણ કરી, ત્યારબાદ સરકારે આ સિમ કાર્ડ્સને બ્લોક કરવાનો નિર્ણય કર્યો.ભારતીય સાયબર ક્રાઈમ કોઓર્ડિનેશન સેન્ટર હેઠળ કામ કરતી નાગરિક નાણાકીય સાયબર ફ્રોડ રિપોર્ટિંગ અને મેનેજમેન્ટ સિસ્ટમને લગભગ 11.28 લાખ ફરિયાદો મળી છે. આ ફરિયાદ સાયબર ફ્રોડ સંબંધિત હતી અને વર્ષ 2023માં 36 રાજ્યો અને કેન્દ્રશાસિત પ્રદેશો દ્વારા દાખલ કરવામાં આવી હતી.
સાયબર ગુનાઓની જાણ કરવા માટે એક ઓનલાઈન પોર્ટલ નેશનલ સાયબર ક્રાઈમ (https://cybercrime.gov.in/) અસ્તિત્વમાં છે. અહીં તમે નાણાકીય છેતરપિંડી, મહિલાઓ/બાળકો સંબંધિત ગુનાઓ અને અન્ય સાયબર ગુનાઓની ફરિયાદો નોંધાવી શકો છો.નેશનલ સાયબર ક્રાઈમ પોર્ટલ પર સૂચિબદ્ધ વિગતો અનુસાર, ઓનલાઈન નાણાકીય છેતરપિંડીની ફરિયાદ 1930 પર કોલ કરીને નોંધાવી શકાય છે. આ નંબર પર કોલ કરીને તમે તમારી વિગતો આપી શકો છો અને છેતરપિંડી વિશે જણાવી શકો છો.
તમારું સિમ કાર્ડ અથવા મોબાઇલ ઉપકરણ કોઈપણ પ્રકારની સાયબર ક્રાઈમ પ્રવૃત્તિમાં સંડોવાયેલું જોવા મળે છે, તો તમારું સિમ કાર્ડ બ્લોક થવા ઉપરાંત, તમારે જેલ જવું પડી શકે છે. આટલું જ નહીં, જો કોઈ અન્ય વ્યક્તિએ તમારા નામે સિમ ખરીદ્યું હોય અથવા તમે કોઈ અન્ય વ્યક્તિને ઉપયોગ કરવા માટે સિમ કાર્ડ આપ્યું હોય, તો ખાતરી કરો કે તે કયા હેતુ માટે તે નંબરનો ઉપયોગ કરે છે.