હિમાચલ પ્રદેશના સોલન જિલ્લામાં આવેલા ઝાડમાજરીની એક સોલીડ વેસ્ટ મેનેજમેન્ટની મદદથી પરફ્યુમ કંપનીમાં ડ્રમ લિફ્ટિંગનું કામ કરવામાં આવી રહ્યું હતું. જેના કારણે પીડબ્લ્યુડીના કાર્યકરો શેડ કાઢી રહ્યા હતા. દરમિયાન કર્મચારીઓ કટરથી શેડ કાપી રહ્યા હતા ત્યારે કેમિકલના ડ્રમ પર સ્પાર્ક પડતા આગ ભભૂકી ઉઠી હતી.આગને કારણે અફરાતફરી મચી ગઈ હતી અને કર્મચારીઓ ત્યાંથી ફરાર થઈ ગયા હતા અને પોતાનો જીવ બચાવ્યો હતો. જે બાદ ફાયર બ્રિગેડ અને એસડીઆરએફના સ્ટાફને જાણ કરાતાં તેઓએ સમયસર આગ પર કાબુ મેળવ્યો હતો. બડ્ડીના પોલીસ અધિક્ષક ઇલ્મા અફરોઝે એએસપી અશોક કુમાર સાથે ઘટનાસ્થળની મુલાકાત લીધી હતી. એસપીએ નિરીક્ષણ બાદ હાલ પૂરતું કામ બંધ કરી દીધું છે. આ દરમિયાન એએસપી અશોક કુમારે આ મામલાની પુષ્ટિ કરતા કહ્યું કે આગ ઠંડી પડ્યા બાદ જ ફરીથી કામ શરૂ કરવામાં આવશે.
આગ દુર્ઘટનામાં અત્યાર સુધી 5 લોકોના મોત થયા છે. લગભગ 30 લોકો ગંભીર રીતે દાઝ્યાં છે. આ કેસની તપાસ માટે એસઆઈટીની રચના કરવામાં આવી છે. અકસ્માત સમયે ફેક્ટરીમાં 80થી વધુ લોકો હતા. આગ લાગ્યા બાદ ઘણા લોકો છત પરથી પણ કૂદી પડ્યા હતા, જેમાં ઈજાઓ પહોંચી હતી.