વાલિયા-સિલુડી માર્ગ ઉપર બાઇક ઉપર પસાર થતાં યુવાન-યુવતી ઉપર દીપડાએ હુમલો કર્યો હુમલામાં ઘાયલ થયેલ બંનેને સારવાર માટે વાલિયાના સરકારી દવાખાને ખસેડવામાં આવ્યા
વાલિયા-ડુંગરી માર્ગ ઉપર ગતરોજ રાતે માર્ગને અડીને શિકારની શોધમાં નીકળેલ દીપડાનો વિડીયો કાર ચાલકે ઉતારી વાયરલ કર્યો હતો વાલિયા-સિલુડી માર્ગ ઉપર ત્રણ દિવસ પહેલા બાઇક ઉપર પસાર થતાં યુવાન-યુવતી ઉપર દીપડાએ હુમલો કર્યો હોવાની ઘટના સમયે આવી હતી દીપડાના હુમલામાં ઘાયલ થયેલ બંનેને સારવાર માટે વાલિયાના સરકારી દવાખાને ખસેડવામાં આવ્યા હતા ત્યારે ગતરોજ રાતના સમયે કાર ચાલક તેના મિત્રો સાથે વાલિયા-ડુંગરી માર્ગ ઉપરથી પસાર થઈ રહ્યો હતો તે વેળા શિકારની શોધમાં માર્ગની બાજુની ઝાડીમાં બેઠેલ દીપડો દેખા દેતા કાર ચાલકે તેનો પોતાના મોબાઈલ ફોનમાં વિડીયો ઉતારી વાઇરલ કર્યો હતો.જે વિડિયોમાં કદાવર દીપડો હોવાનું જણાઈ આવ્યું છે.ત્યારે વન વિભાગ આ માર્ગ ઉપર મારણ સાથે પાંજરું ગોઠવી દીપડાને પકડી સુરક્ષિત સ્થળે મુક્ત કરે તે અત્યંત જરૂરી છે.
