શિનોર તાલુકાના સાધલી ગામે આવેલ મનન વિદ્યાલય ખાતે 78માં સ્વાતંત્ર્ય દિનની ભવ્ય ઉજવણી કરવામાં આવી હતી.જેમાં શાળાના બાળકો દ્વારા વિવિધ સાંસ્કૃતિક કાર્યક્રમો રજૂ કરવામાં આવ્યા હતા.
https://www.instagram.com/reel/C-rf1brgWV7/?utm_source=ig_web_copy_link&igsh=MzRlODBiNWFlZA==
સમગ્ર દેશભરમાં આજે 78માં સ્વાતંત્ર્ય દિનની આન બાન અને શાન સાથે ઉજવણી કરવામાં આવી રહી છે.ત્યારે શિનોર તાલુકાના સાધલી ગામે આવેલ મનન વિદ્યાલય ખાતે પણ 78માં સ્વાતંત્ર્ય દિનની ઉજવણીના ભાગરૂપે ધ્વજવંદનનો કાર્યક્રમ આયોજિત કરાયો હતો.આ પ્રસંગે સાધલી ગ્રામ પંચાયતના ડેપ્યુટી સરપંચ સંકેતભાઈ પટેલના હસ્તે ધ્વજવંદન કરવામાં આવ્યું હતું.જ્યારે શાળાના બાળકોએ દેશભક્તિના વિવિધ સાંસ્કૃતિક કાર્યક્રમો રજૂ કરાયાં હતાં.અત્રે ઉલ્લેખનીય છેકે શાળાના આચાર્ય અમિષાબેન પંડ્યા,શાળાના શિક્ષકો તેમજ સમગ્ર મનન વિદ્યાલય પરિવારના તમામ સભ્યોએ ભારે જહેમત ઉઠાવી ધ્વજવંદનના કાર્યક્રમને સફળ બનાવ્યો હતો.
