અમરેલી જિલ્લાના જાફરાબાદ તાલુકાના બાબરકોટ ગામે 78 મા સ્વતંત્રતા દિવસની ઉજવણી ધામધૂમથી કરવામાં આવી હતી
અમરેલી જિલ્લાના જાફરાબાદ તાલુકાના બાબરકોટ ગામે 78મા સ્વતંત્રતા દિવસની ઉજવણી ઉત્સાહ અને ધામધૂમથી કરવામાં આવી.આ પ્રસંગે બાબરકોટ પ્રાથમિક શાળા ખાતે 8 વાગ્યે યુવા સરપંચ કૈલાશબેન અનકભાઈ સાંખટ દ્વારા ધ્વજ વંદન કરવામાં આવ્યું.સ્વતંત્રતા દિવસની ઉજવણીમાં ગામના પૂર્વ સરપંચ અનકભાઈ છનાભાઈ સાંખટ, ઉપસરપંચ પાંચાભાઈ સાંખટ, ગામની પંચાયતના સભ્યોએ તેમજ અન્ય આગેવાનો ઉપસ્થિત રહ્યા.
માધ્યમિક અને પ્રાથમિક શાળાના વિદ્યાર્થીઓ દ્વારા વિવિધ નાટકો અને પ્રદર્શન યોજવામાં આવ્યા, જેમાં શહીદ ભગત સિંહનું નાટક તથા દેશપ્રેમના સંદેશ સાથે રાસ અને પિરામિડના કાર્યક્રમો રજૂ કરવામાં આવ્યા.યુવા સરપંચ કૈલાશબેન અનકભાઈ સાંખટએ સૌને 78મા સ્વતંત્રતા દિવસની શુભેચ્છા પાઠવી અને વિદ્યાર્થીઓના વિકાસ માટે શુભકામનાઓ આપી.
