સ્ત્રી 2એ બોક્સ ઓફિસ પર એક મોટો રેકોર્ડ તોડ્યો છે. ફિલ્મ આ વર્ષની સૌથી વધારે કમાણી કરનારી ફિલ્મ બની ગઈ છે.બોલિવુડ ફિલ્મ સ્ત્રી 2એ માત્ર 5 દિવસમાં જ 228 કરોડ રુપિયાનું કલેક્શન કર્યું છે. સ્ત્રી 2એ આ વર્ષની સૌથી વધુ કમાણી કરનાર બોલિવુડ ફિલ્મ ફાઈટરના લાઈફટાઈમ કલેક્શનને પણ પાછળ છોડ્યું છે. આટલું જ નહિં વીકએન્ડ કલેક્શન મામલે પ્રભાસ-અમિતાભ બચ્ચનની ફિલ્મ કલ્કિ 2899 એડીથી પણ આગળ નીકળી છે.રક્ષાબંધનના દિવસે, સ્ત્રી 2 એ 37 કરોડ રૂપિયાનું કલેક્શન કર્યું હતું. જેની સાથે ફિલ્મનું કુલ ડોમેસ્ટિક કલેક્શન 228.45 કરોડ સુધી પહોંચી ગયું છે. કહી શકાય કે, સ્ત્રી 2ને રક્ષાબંધનનો પુરેપુરો લાભ મળ્યો છે.
સ્ત્રી 2માં 3 કેમિયો જોવા મળ્યો છે. જેમાં વરુણ ધવન અને અક્ષય કુમાર તેમજ તમન્ના ભાટિયા પણ છે. ત્યારે હવે સ્ત્રી 3 આવવાની પણ સંભાવના વ્યક્ત કરવામાં આવી રહી છે.
