ભારત બંધ દરમિયાન બિહારના પટણામાં હંગામો જોવા મળ્યો હતો. પોલીસે બંધ સમર્થકો પર લાઠીચાર્જ કર્યો છે. બંધ સમર્થકોની રેલી ગાંધી મેદાનથી આગળ વધી રહી હતી. આ વચ્ચે જેપી ગોલંબર પાસે બેરિકેડિંગ કરવામાં આવી હતી પરંતુ બંધ સમર્થકોએ બેરિકેડ તોડી નાખ્યુ હતું અને આગળ વધવા લાગ્યા હતા. પોલીસે બેરિકેડ તોડતા રોકવાનો પ્રયાસ કર્યો હતો પરંતુ પ્રદર્શનકારી આગળ વધવા લાગ્યા હતા. પ્રદર્શનકારીઓને આગળ વધતા રોકવા માટે પોલીસે લાઠીચાર્જ કરવો પડ્યો હતો.
બિહારના ભોજપુરમાં ભારત બંધના સમર્થનમાં વિવિધ પક્ષના નેતાઓએ આરા રેલ્વે સ્ટેશન પર ચક્કાજામ કર્યો છે. મૈસૂર રાની કમલાપતિ સહરસા ટ્રેનને રોકીને પ્રદર્શન કરવામાં આવ્યું હતું. બિહારના જહાનાબાદમાં પણ ભારત બંધની અસર જોવા મળી હતી. રસ્તા પર સમર્થકો ભેગા થયા હતા.ભારત બંધના સમર્થકોએ એનએચ-83ને બ્લોક કરી દીધો હતો.
