https://www.instagram.com/reel/DANYdYDAzV8/?utm_source=ig_web_copy_link&igsh=MzRlODBiNWFlZA==
કર્ણાટકના મલ્લેશ્વરમમાંથી એક અરેરાટીભર્યો કિસ્સો સામે આવ્યો છે. મળતી માહિતી મુજબ, 26 વર્ષની એક મહિલાની નિર્દયતાથી હત્યા કરવામાં આવી છે. મહિલાના શરીરના અનેક ટુકડા કરવામાં આવ્યા છે. મહિલાની હત્યા બાદ તેના મૃતદેહને મલ્લેશ્વરમ પાસે વ્યાલીકાવલમાં ફ્રિજમાં રાખવામાં આવ્યો હતો. એડિશનલ સીપી વેસ્ટ, સતીશ કુમારે જણાવ્યું હતું કે, દુર્ગંધ આવતાં પોલીસ આ સ્થળે પહોંચી હતી. હાલ સમગ્ર મામલાની ઉંડાણપૂર્વક તપાસ કરવામાં આવી રહી છે.
30થી વધુ ટુકડાઓમાં લાશ મળી પોલીસે જણાવ્યું હતું કે “26 વર્ષીય મહિલાનો મૃતદેહ 30થી વધુ ટુકડાઓમાં કાપીને વ્યાલીકાવલ પોલીસ સ્ટેશનની હદમાં એક ઘરમાં રેફ્રિજરેટરમાં રાખવામાં આવ્યો હતો. હાલ આ મામલાની તપાસ ચાલી રહી છે. પોલીસની ટીમ ડોગ સ્કવોડ સાથે તપાસ કરી રહી છે. હાલ ફોરેન્સિક ટીમને પણ બોલાવવામાં આવી છે. આ મામલાની સંપૂર્ણ તપાસ કરવામાં આવી રહી છે.”
મૃતદેહની ઓળખ કરી પોલીસે જણાવ્યું કે લાશની ઓળખ થઈ ગઈ છે. પોલીસે જણાવ્યું કે યુવતીનું નામ મહાલક્ષ્મી છે. તે કર્ણાટકમાં સ્થાયી થઈ હતી પરંતુ મૂળ અન્ય રાજ્યની છે. હાલમાં તપાસ ચાલી રહી છે, તેઓ તપાસ બાદ વધુ માહિતી આપશે.
પોલીસે તાત્કાલિક તપાસ ટીમને સ્થળ પર બોલાવી હતી અને તમામ સંભવિત પુરાવા એકઠા કર્યા હતા. પોલીસને શંકા છે કે લગભગ 10-15 દિવસ પહેલા મહાલક્ષ્મીની હત્યા કરવામાં આવી હતી. પોલીસે એવી પણ આશંકા વ્યક્ત કરી છે કે મહાલક્ષ્મીની હત્યા કર્યા બાદ હત્યારાએ તેના શરીરના અનેક ટુકડા કરી ફ્રિજમાં રાખ્યા હતા જેથી તેને ભાગી જવાનો સમય મળી શકે. પોલીસે હાલ હત્યારાની શોધખોળ શરૂ કરી છે. પોલીસ આ હત્યાના સંદર્ભમાં વિસ્તારમાં લાગેલા સીસીટીવી ફૂટેજને સ્કેન કરવામાં વ્યસ્ત છે.
“વ્યાલીકાવલ પોલીસની હદમાં એક 1 BHK ઘર છે. 26 વર્ષની યુવતીનો મૃતદેહના ટુકડાઓ કરીને રેફ્રિજરેટરમાં રાખવામાં આવ્યો હતો. પ્રથમ દૃષ્ટિએ, ઘટના આજે બની નથી. એવું લાગે છે કે આ 10-15 દિવસ પહેલા થયું હતું. ડોગ સ્કવોડ અને ફિંગર પ્રિન્ટ ટીમ સ્થળ પર હાજર છે. અમે FSL ટીમને પણ બોલાવી છે અને તપાસ ચાલુ છે. અમે છોકરીની ઓળખ કરી લીધી છે, પરંતુ અમને તપાસ પૂરી કરવા દો.”
પાડોશીઓએ યુવતીની માતા અને ભાઈને ફોન કરીને ઘરમાંથી દુર્ગંધ આવવાની જાણ કરી હતી. જે બાદ બંને જ્યારે ત્યાં પહોંચ્યા તો હત્યાનો મામલો સામે આવ્યો. ઘરના તાળા તૂટેલા હતા. તે તેના પતિથી અલગ થઈ ગઈ હોવાનું જાણવા મળે છે. મહાલક્ષ્મી છેલ્લા 3 મહિનાથી અહીં ભાડે રહેતી હતી. તે બેંગલુરુના એક મોલમાં કામ કરતી હતી.
તેનો પતિ શહેરથી દૂર એક આશ્રમમાં કામ કરે છે. ઘટનાની માહિતી મળતા તે પણ ઘટના સ્થળે પહોંચી ગયો હતો. પોલીસના જણાવ્યા અનુસાર, શરીરના ટુકડા સંપૂર્ણપણે વિકૃત હતા. ડીસીપી શેખર અને એડિશનલ પોલીસ કમિશનર સતીષે જણાવ્યું કે મહિલાના શરીરના 30થી વધુ ટુકડા કરવામાં આવ્યા હતા. યુવતી તેના પતિથી અલગ રહેતી હતી. ઘરના માલિકનું નામ જયરામ છે. એક છોકરો યુવતીને મૂકવા અને લેવા આવતો. તેણે હત્યા કરી હોવાની પોલીસને શંકા છે. હાલ આ કેસની તપાસ ચાલી રહી છે.