એક એવો કેસ છે જેમાં અધિક નાયબ પોલીસ કમિશનર (મહિલા અને બાળકો સામે અપરાધ) દ્વારા મળેલા પત્રના આધારે આરોપી વિરુદ્ધ તેના મોબાઇલમાં બાળકોની અશ્લીલ અને વલ્ગર સામગ્રી ડાઉનલોડ કરવા બદલ કેસ નોંધવામાં આવ્યો હતો. તપાસ દરમિયાન, મોબાઇલ ફોન જપ્ત કરવામાં આવ્યો હતો અને ફોરેન્સિક પરીક્ષણ હાથ ધરવામાં આવી હતી, જેમાં પુષ્ટિ મળી હતી કે મોબાઇલ ફોનમાં કિશોરવયના છોકરાઓને સંડોવતા ચાઇલ્ડ પોર્નોગ્રાફિક સામગ્રી ધરાવતી બે ફાઇલો છે. કોર્ટે IT એક્ટની કલમ 67B અને POCSO એક્ટની કલમ 14(1) હેઠળ ગુનાની નોંધ લીધી હતી.
આ કેસ અતિ વિવાદીત બન્યો હતો. આરોપીઓએ ફોજદારી કાર્યવાહીને રદ કરવા માટે હાઇકોર્ટનો સંપર્ક કર્યો હતો. મદ્રાસ હાઈકોર્ટનો નિર્ણય કેટલાક મુખ્ય મુદ્દાઓ પર આધારિત હતો: આરોપીઓએ ફક્ત ખાનગી જોવા માટે સામગ્રી ડાઉનલોડ કરી હતી, તે પ્રકાશિત અથવા પ્રસારિત કરવામાં આવી ન હતી, અને એવી દલીલ કરવામાં આવી હતી કે માત્ર ચાઈલ્ડ પોર્નોગ્રાફી ડાઉનલોડ કરવી અને જોવી એ કલમ 67-બી ના સમાન અપરાધ નથી. જેથી આ મામલો સુપ્રીમ સુધી પહોંચ્યો હતો. હવે સુપ્રીમે પણ જબરદસ્ત ચૂકાદો આપ્યો છે.
01
સર્વોચ્ચ અદાલતે મદ્રાસ હાઈકોર્ટના નિર્ણયને પલટી દીધો હતો કે ચાઈલ્ડ પોર્ન ડાઉનલોડ કરવું અને જોવું એ પોક્સો એક્ટ અને ઈન્ફોર્મેશન ટેક્નોલોજી એક્ટ હેઠળ ગુનો નથી.
02
ચીફ જસ્ટિસ ડીવાય ચંદ્રચુડ અને જસ્ટિસ જેબી પારડીવાલા અને મનોજ મિશ્રાની બેંચે કહ્યું છે કે ચાઈલ્ડ પોર્ન ફિલ્મો જોવી અને ડાઉનલોડ કરવી એ પોક્સો એક્ટ અને ઈન્ફોર્મેશન ટેક્નોલોજી એક્ટ હેઠળ ગુનો છે.
03
POCSO એક્ટમાં ફેરફાર માટે સલાહ અઆપી
