ફરી એકવાર CID શો ટીવી પર પાછો શરુ થવા જઈ રહ્યો છે. એસીપી પ્રદ્યુમન ઉપરાંત ઈન્સ્પેક્ટર દયા અને અભિજીત પણ તેમાં સામેલ છે. પિંકવિલાના રિપોર્ટ અનુસાર, CIDની નવી સિઝનનું શૂટિંગ નવેમ્બર 2024થી શરૂ થવાનું છે. વાસ્તવમાં, લોકોની ભારે માંગ બાદ, નિર્માતાઓએ આ શોની નવી સીઝન પરત લાવવાનો નિર્ણય કર્યો છે.CIDનું પ્રોડક્શન વર્ક પણ શરૂ થઈ ગયું છે. આખી કાસ્ટ આવતા મહિનાથી શૂટિંગ શરૂ કરશે. એવું કહેવામાં આવી રહ્યું છે કે શોનું શૂટિંગ 15 નવેમ્બરની આસપાસ શરૂ થશે. આ કલ્ટ ડિટેક્ટીવ સિરિઝ ડિસેમ્બર, ક્રિસમસ અથવા નવા વર્ષના સમયગાળામાં પ્રસારિત કરવામાં આવશે. વાસ્તવમાં, લોકો આ ટીવી શોને લાંબા સમયથી પસંદ કરે છે. CID વર્ષ 2018માં બંધ થઈ ગયું હતું. છેલ્લો એપિસોડ 20 વર્ષ સુધી સતત ચાલ્યા પછી 2018માં આવ્યો હતો. જો કે, રીપીટ શો હજુ પણ ચાલે છે. તેના 1547 એપિસોડ છે, જેને ઘણો પ્રેમ મળ્યો છે. CIDની વાપસીના સમાચાર સાંભળ્યા બાદ ચાહકો ભરપૂર કોમેન્ટ કરી રહ્યા છે.
Sony ટીવીએ તેના ઈન્સ્ટાગ્રામ એકાઉન્ટ દ્વારા ‘CID’ શોની પ્રથમ ઝલક શેર કરી છે. આ સાથે જણાવવામાં આવ્યું છે કે શોનો પ્રોમો 26 ઓક્ટોબર એટલે કે શુક્રવારે આવવાનો છે. જે બાદ આના પર ભારે પ્રતિક્રિયાઓ આવી રહી છે.
