નેત્રંગ તાલુકામાં આવેલ રાજા કૂવા ગામમાં ગાયચરવી પરત ફરતી વખતે બાળકી ઉપર દીપડાએ હુમલો કર્યો.

દીપડાએ બાળકી ને શિકાર બનાવી મોતને ઘાટ ઉતાર્યો….બાળકના મૃતદેહને પોસ્ટ મોર્ટમ અર્થે નેત્રંગના આરોગ્ય કેન્દ્ર ખાતે ખસેડાયો.

નેત્રંગ ના રાજા કૂવા ગામ ખાતે તેર વર્ષીય બાળકી પર દીપડા એ હુમલો કરી ફાડી ખાતા કમ કમાટી ભર્યુ મોત નીપજાવ્યું હતું..

ભરૂચ જિલ્લા ના નેત્રંગ તાલુકાના જંગલ વિસ્તાર ને અડીને આવેલ ગ્રામ્ય વિસ્તારોમાં અવાર નવાર દીપડા ઓ જોવા મળતા હોય છે, કેટલાક દીપડાઓ માનવ ભક્ષી તો કેટલાક દીપડા શાંત સ્વભાવ ના હોવાનું કહેવાય છે, જોકે એક આદમ ખોર દીપડા ના આતંક ના કારણે રાજાકૂવા ગામના માસૂમ બાળકી એ જીવ ગુમાવ્યો છે..

સૂત્રો પાસે થી મળતી માહિતી મુજબ નેત્રંગ તાલુકા ના રાજા કૂવા ગામ રહેતા 13 વર્ષીય લીલાબેન સવાભાઈ કોટવાલીયા ગત સાંજ ના સમયે ગામની સીમમાં થી દાદી જોડે ગાય ચરવા માટે ગયા હતા , તે દરમ્યાન અચાનક ત્યાં આદમ ખોર દીપડો આવી પહોંચ્યો હ્તો, અને લીલા ને ખેંચી ને સીમમાં લઈ જઈ ફાડી ખાતા તેનું ઘટના સ્થળે જ મોત નીપજ્યું હતું ઘટના અંગેની જાણ ગ્રામજનો ને થતા તેઓએ તેના પરિવાર અને પોલીસ સહિત ઝઘડિયા ફોરેસ્ટ ને જાણ હતી જે બાદ મૃત બાળકી ને લઈ નેત્રગ સામૂહિક આરોગ્ય કેન્દ્ર ખાતે તેને પોસ્ટ મોર્ટમ અર્થે ખસેડી હતી.ઘટનાની જાણ ઝઘડિયા વિધાનસભા ના ધારાસભ્ય રિતેશ વસાવા ને થતાં મોડી રાત્રે નેત્રંગ સમોહીક આરોગ્ય કેન્દ્ર ખાતે પોહચી પરિવાર જનો સાથે મુલાકાત કરી ખાત્રી આપી હતી કે આવી ઘટના બીજી વખત નહિ બને અને વહેલી તકે સરકાર તરફ સહાય પેકેજ જાહેર કરી મદદ કરશું આદમખોર દીપડા ની દહેશત ના પગલે સમગ્ર વિસ્તાર માં ભય નો માહોલ જોવા મળી રહ્યો છે.ત્યારે વન વિભાગ આ દીપડાને ક્યારે પાંજરે પૂરવામાં સફળ થાય છે તે જોવું રહ્યું..