સુરત જિલ્લાના માંડવી તાલુકાના ઉશ્કેર ગામે એક દીપડાએ 7 વર્ષના બાળકને ફાડી ખાધો છે. મૂળ મહારાષ્ટ્રના નંદુરબાર જિલ્લાના અને સુરત જિલ્લામાં શેરડી કાપણી કરવા આવેલ શ્રમજીવી પરિવાર માંડવી તાલુકાના ઉશ્કેર ગામની સીમમાં પડાવ નાખી રહેતો હતો. ત્યારે ગતરોજ મોડી સાંજના સમયે શ્રમજીવી પરિવારનો સાત વર્ષનો અજય લાલસિંગ વસાવે જે ઘરની બહાર રમી રહ્યો હતો. તે દરમિયાન દબાતા પગે દીપડો આવ્યો અને બાળકને ખેંચીને નજીકના ખેતરમાં લઈ જઇ ફાડી ખાધો હતો.
300 મીટર દૂર ખેતરમાંથી બાળકનો મૃતદેહ મળ્યો બાળક નજરે ન ચડતા પરિવારે શોધખોળ હાથ ધરી હતી. દીપડાના પંજાના નિશાન દેખાતા માંડવી વન વિભાગની ટીમને જાણ કરી હતી. આ દરમિયાન પડાવ નજીક 300 મીટર દૂર શેરડીના ખેતરમાં બાળક ફાડી ખાધેલી હાલતમાં મૃત મળી આવ્યો હતો.
