અમદાવાદમાં દિવાળી સમયે BRTS કર્મચારીઓની દિવાળી બગડી છે. અમદાવાદમાં BRTS બસ ડ્રાઇવરો દ્વારા દિવાળીના દિવસે જ બસો ડેપોમાં રોકી દેવાઇ છે. મહત્વનું છે કે, ભારત વિકાસ ગ્રુપમાં ચાલતી ઇલેકટ્રીક બસના પૈડાં થંભી ગયા છે. આજે 150 બસના ડ્રાઇવરો દ્વારા બસ ઉપાડવામાં આવી ન હતી. આજે નારણપુરા બસ ડેપો ખાતે ભારત વિકાસ ગ્રુપમાં કામ કરતા કર્મચારીઓએ ભારે વિરોધ નોંધવ્યો છે. ભારત વિકાસ ગ્રૂપમાં ચાલતી ઈલેક્ટ્રીક બસના ડ્રાઈવરોને દિવાળીમાં પગાર ન થતા વિરોધ કરવામાં આવ્યો છે. જેમાં ખાસ કરીને પગાર વધારો, બોનસ સહિતથી કર્મચારીઓને વંચિત રખાતા હવે પગાર આવશે તે બાદ બસ સેવા શરૂ કરવા કર્મચારીઓએ ચિમકી ઉચ્ચારી છે. આ તરફ 150 જેટલા કર્મચારીઓ પગાર ન મળતા કામથી અળગા રહ્યા હતા.
