રાજકોટમાં ઈંગ્લેન્ડ સામે રમાયેલી ત્રીજી T20I મેચમાં ભારતીય ટીમના બેટ્સમેનોનું પ્રદર્શન ખૂબ જ નિરાશાજનક રહ્યું હતું. 9મી ઓવરથી 16મી ઓવર સુધીમાં ભારતીય ટીમના બેટ્સમેન માત્ર 40 રન જ બનાવી શક્યા હતા. આ દરમિયાન હાર્દિક પંડ્યાએ મેદાન પર ઘણા બોલ બગાડ્યા હતા, જેના કારણે ટીમ પર પ્રેશરની સાથે જ નેટ રન રેટ પણ વધ્યો. હાર્દિકે 35 બોલમાં 1 ચોગ્ગો અને 2 છગ્ગાની મદદથી 40 રન બનાવ્યા હતા. આવી સ્થિતિમાં તેની ઈનિંગ્સથી નાખુશ પાર્થિવ પટેલે સ્ટાર સ્પોર્ટ્સ પર તેની ટીકા કરી છે.
ઈંગ્લેન્ડના પૂર્વ કેપ્ટન કેવિન પીટરસન ભારતના બેટિંગ ક્રમથી નાખુશ છે. તેણે કોચ ગૌતમ ગંભીરના નિર્ણય પર સવાલ ઉઠાવતા કહ્યું કે, ગંભીરે ધ્રુવ જુરેલને 8 નંબર પર બેટિંગ કરવાને બદલે ઉપર બેટિંગ કરવા મોકલવો જોઈતો હતો. કેવિને કહ્યું,ભારતીય ટીમે બેટિંગ ક્રમ યોગ્ય ન બનાવ્યો. ધ્રુવ જુરેલ એક અનુભવી બેટ્સમેન છે. ડાબા અને જમણા સંયોજન માટે તેને નીચે ક્રમમાં મૂકવો યોગ્ય ન હતો. હું દ્રઢપણે માનું છું કે તમારા શ્રેષ્ઠ બેટ્સમેનોએ આગળ બેટિંગ કરવી જોઈએ.
