વડોદરામાં બુટલેગરોને જાણે કાયદાનો કોઇ ડર જ રહ્યો નથી. માંજલપુરમાં બેફામ બુટલેગરોએ યુવકને માર માર્યો છે. પોલીસને બાતમી આપી હોવાના આરોપ સાથે આકાશ ઠાકરડા, ભાવુ દરબાર સહિતના 7 શખ્સો યુવક પર તુટી પડ્યા હતા.આકાશ ઠાકરડાએ તો નૈતિક પટેલ નામના વ્યક્તિને પટ્ટાથી માર માર્યો હતો. મારામારીની ઘટના CCTVમાં કેદ થઇ ગઇ છે. જો કે બીજી તરફ બુટલેગરોએ નૈતિક પર ધમકી આપી પૈસા માગતો હોવાનો પણ આરોપ લગાવ્યો છે. ઘટનાને લઇને માંજલપુર પોલીસ મથકમાં બંને તરફથી ફરિયાદ નોંધવામાં આવી છે.
January 31, 2025
