એક અઠવાડિયામાં 3 પોલીસ જવાનોના હાર્ટ એટેકથી મોત, અમદાવાદમાં વધુ એક પોલીસકર્મીનું મોત;

અમદાવાદમાં વધુ એક પોલીસ કર્મચારીનું મોત નિપજ્યું છે. વિજય પાંડવ નામના પોલીસ કર્મચારીનું બીમારીના કારણે મોત નિપજ્યું છે. પોલીસકર્મચારી છેલ્લા ઘણા દિવસથી બીમાર હતા. ઉલ્લેખનીય છે કે છેલ્લા 7 જ દિવસમાં 4 પોલીસકર્મીઓની મોતની ઘટનાથી પોલીસ બેડામાં શોકનો માહોલ છવાયો છે. 3 પોલીસ કર્મચારીઓનું હાર્ટ એટેકથી અને એકનું બીમારીના કારણે મોત નિપજ્યું છે. પીઆઈ આર.એલ. ખરાડી હાલમાં ડીજી ઓફિસમાં કાર્યરત હતા, ત્યારે તેમને અચાનક હાર્ટ એટેક આવ્યો અને સારવાર મળે તે પહેલાં જ તેમનું નિધન થયું હતું. પીઆઈના નિધનથી પોલીસ દળ અને પરિવારમાં શોક છવાઈ ગયો હતો.