એલોન મસ્કે ભારતમાં પ્રવેશવા માટે નવા રસ્તાઓ શોધવાનું શરૂ કર્યું છે અને તે ઝડપથી પોતાનો બિઝનેસ વિસ્તારવાની યોજના ધરાવે છે. ટેલિકોમ કંપની એરટેલ સાથે કરાર કર્યા પછી, હવે એલોન મસ્કની સેટેલાઇટ આધારિત ઇન્ટરનેટ સેવા Starlink મુકેશ અંબાણીની રિલાયન્સ જિયો સાથે હાથ મિલાવ્યા છે.એલોન મસ્ક લાંબા સમયથી ભારતમાં તેમની સેટેલાઇટ આધારિત ઇન્ટરનેટ સેવા સ્ટારલિંક શરૂ કરવા ઇચ્છતા હતા અને હવે એરટેલ અને જિયો સાથે હાથ મિલાવ્યા બાદ એમ કહેવું ખોટું નહીં હોય કે તેમનું સપનું સાકાર થતું જણાય છે. Starlink સાથેના આ કરારની માહિતી Jio Platforms Limited દ્વારા આપવામાં આવી છે.
એરટેલ અને રિલાયન્સ જિયો સાથે સ્ટારલિંકની આ ડિલથી તમને કેટલો ફાયદો થશે? તમે પણ આવું જ વિચારી રહ્યા છો ને? તમને જણાવી દઈએ કે સ્ટારલિંક પાસે હજારો લો અર્થ ઓર્બિટ સેટેલાઇટ છે અને આ ઉપગ્રહો લેસર લિંક દ્વારા એકબીજા સાથે જોડાયેલા છે જેના કારણે ડેટા ઝડપથી ટ્રાન્સમિટ થાય છે. જો ડેટા ઝડપથી ટ્રાન્સમિટ થશે તો તમને હાઈ સ્પીડ ઈન્ટરનેટનો લાભ મળશે.સ્ટારલિંક સેવાનો ઉપયોગ કરવા માટે, એક નાનું ઉપકરણ ઇન્સ્ટોલ કરવું જરૂરી છે જેને સ્ટારલિંક ટર્મિનલ પણ કહેવાય છે. આ ઉપકરણને સેટ કર્યા પછી, આ ઉપકરણમાં સેટેલાઇટથી સિગ્નલ મળવાનું શરૂ થાય છે, જેના કારણે લોકોને ઝડપી ઇન્ટરનેટ મળે છે.સ્ટારલિંક એલોન મસ્કની કંપની સ્પેસએક્સ દ્વારા વિકસાવવામાં આવી છે. સ્ટારલિંક દ્વારા લોકોને હાઈ સ્પીડ ઈન્ટરનેટ આપવા માટે કંપનીએ કોઈ ટાવર ઈન્સ્ટોલ કરવાની જરૂર નથી. સ્ટારલિંકનો હેતુ હાઇ સ્પીડ ઇન્ટરનેટ પ્રદાન કરવાનો છે.
