અંકલેશ્વર-ભરૂચ જુના નેશનલ હાઇવે ઉપર આર.એમ.પી.એસ સ્કૂલના બોર્ડ પાસે અજાણ્યા વાહન ચાલકે અજાણ્યા વ્યક્તિને ટક્કર મારતા તેનું ઘટના સ્થળે જ ગંભીર ઇજાઓને પગલે મોત નીપજ્યું હતું
અંકલેશ્વર-ભરૂચ જુના નેશનલ હાઇવે ઉપરથી એક અજાણ્યો 50 વર્ષીય વ્યક્તિ પસાર થઈ રહ્યો હતો તે દરમિયાન આર.એમ.પી.એસ સ્કૂલના બોર્ડ પાસે પુરપાટ ધસી આવેલ અજાણ્યા વાહન ચાલકે રાહદારીને ટક્કર મારતા અકસ્માત સર્જાયો હતો આ અકસ્માતમાં 50 વર્ષીય વ્યક્તિને ગંભીર ઇજાઓ પહોંચતા તેનું ઘટના સ્થળે જ કરુણ મોત નીપજ્યું હતું અકસ્માત અંગે શહેર પોલીસ મથકે ફરિયાદ નોંધાઇ.
