અંકલેશ્વર કામધેનુ એસ્ટેટમાં કટિંગ થતા વિદેશી દારૂના વેપલા પર LCBની તરાપ
LCB પોલીસે ટેમ્પો અને 3 કાર સહીત 11.23 લાખનો વિદેશી દારૂનો જથ્થો ઝડપી પાડયો
LCB પોલીસે બુટલેગર જીગ્નેશ ઉર્ફે જીગો પરીખ અને રમાઝાન શેખને જાહેર કર્યા વોન્ટેડ
અંકલેશ્વર તાલુકાના બાકરોલ ગામેથી ટેમ્પોઅમથી 3 કારમાં રાતે અંધારામાં બુટલેગરો દ્વારા કટિંગ થતા દારૂના ₹11.23 લાખના જથ્થાને LCB એ ઝડપી પાડી કાયદેસરની કાર્યવાહી હાથ ધરી છે.
ભરૂચ LCBની ટીમ નાઈટ પેટ્રોલિંગમાં હતી ત્યારે શ્રીપલસિંહને અંકલેશ્વરના 2 બુટલેગરો દારૂનો જથ્થો કટિંગ કરી રહ્યા હોવાની બાતમી મળી હતી.બાતમી આધારે બાકરોલ ગામે કામધેનુ એસ્ટેટમાં અવાવરું જગ્યાએ દરોડો પાડતા બુટલગરોમાં નાસભાગ મચી ગઇ હતી. સ્થળ ઉપર બંધ બોડીનો ટેમ્પો, ઇનોવા, અમેઝ અને આઈ20 કારમાથી દારૂ અને બિયરનો વિપુલ જથ્થો મળી આવ્યો હતો.
LCB પોલીસે દારૂ ભરેલ ટેમ્પો, 3 કાર, બે બાઇક મળી કુલ રૂપિયા 31.63 લાખનો મુદ્દામાલ કબ્જે કર્યો હતો. તો વિદેશી દારૂનો જથ્થો લાવી કટિંગ કરનાર ફરાર બુટલેગર જીગ્નેશ ઉર્ફે જીગો પરીખ અને રમાઝાન શેખને LCB પોલીસે વોન્ટેડ જાહેર કરી તાલુકા પોલીસ મથકે ફરિયાદ નોંધાવતા તાલુકા પોલીસે ગુનો નોંધી વધુ તપાસ હાથ ધરી છે.
વિડીયો જર્નાલિસ્ટ સુનિલ પરમાર સાથે સત્યા ટીવી અંકલેશ્વર
