ઇક્કો ગાડીમાંથી કી.રૂ.૧,૦૨,૫૦૦/-કિંમતનો ૧૦.૨૫કિલો સુકો ગાંજો પકડાયો
ઇકો ગાડી કિ.રૂ.૨,૫૦,૦૦૦/ મળી કુલ કિ.રૂ.૩,૫૨,૫૦૦/ નો મુદ્દામાલ કબજે લેતી પોલીસ
સાગબારા તાલુકના ઘનશેરા ચેક પોસ્ટપરથી૧૦.૨૫કિલો ગાંજો પકડાયો છે.ઇક્કો ગાડીમાંથી કી.રૂ.૧,૦૨,૫૦૦/-કિંમતનો ૧૦.૨૫કિલોતથા ઇકો ગાડી કિ.રૂ.૨,૫૦,૦૦૦/ મળી કુલ કિ.રૂ.૩,૫૨,૫૦૦/ નો મુદ્દામાલ પોલીસે કબજે લીધો છે.
આ અંગે સાગબારા પોલીસે મથકે ફરિયાદી કે.એલ.ગળચર પોલીસ સબ ઇન્સ્પેકટર સાગબારાએ આરોપીઓ (૧) ઇમરાનભાઇ અબ્દુલભાઇ વોહરા રહે.દાના બજાર વોહરવાડ, મુ.તા.પેટલાદ જીલ્લો. આણંદ,તથા (ર) તેની સાથેના બીજો એક અજાણ્યો ઇસમ સામે ફરિયાદ નોંધાવી છે
ફરિયાદની વિગત અનુસાર ,ઇક્કો ગાડી નંબર GJ 23 CB 8670 ના ચાલક આરોપી ઇમરાનભાઇ અબ્દુલભાઇવોહરા રહે.દાના બજાર વોહરવાડ, મુ.તા.પેટલાદજીલ્લો.આણંદ),તથા તેની સાથેના બીજા એક અજાણ્યા ઇસમે ગુજરાત રાજયમા બિનઅધિકૃત રીતે બીજા રાજ્યમાંથી વનસ્પતિ જન્ય માદક પદાર્થ સુકો ગાંજો ૧૦ કિલો ૨૫૦ ગ્રામ કી.રૂ.૧,૦૨,૫૦૦/ નો મુદ્દામાલ, ઇકો ગાડી માં ભરી લાવી હેરાફેરીકરતા હતા. એ દરમ્યાન ઘનશેરા ચેકપોસ્ટ ઉપર વાહન ચેકીંગ દરમ્યાન,વાહન ચેકીંગના માણસો પાસે વનસ્પતિ જન્ય માદક પદાર્થ સુકો ગાંજો તેમજઓરીજનલ ડ્રાઇવિંગ લાયસન્સ મુકી પોતાનુ વાહન લઇ ઘનશેરા ગામની સીમમાં ઘનશેરાથી ધોડાદેવી જવાના આર.સી.સી. રોડની બાજુમાં આવેલ ખેતરની તારની ફેંસીગમાં ઘુસાડી દઇ સ્થળ પર મુકી નાસી ગયેલ.જે વનસ્પતિજન્ય માદક પદાર્થ સુકો ગાંજો ૧૦ કિલો ૨૫૦ ગ્રામ કી.રૂ.૧,૦૨,૫૦૦/- નો તથા ઇકો ગાડી કિ.રૂ.૨,૫૦,૦૦૦/-તથા ઓરીઝનલ ડ્રાઇવિંગ લાયસન્સ તથા ઓરીઝનલ આર.સી.બુક મળી કુલ કિ.રૂ.૩,૫૨,૫૦૦/ નો મુદ્દામાલ મુકી નાસી જઇ ગુનોકરતા પોલીસે કાયદેસરની કાર્યવાહી હાથ ધરી હતી.
તસવીર :દીપક જગતાપ, રાજપીપલા
