ભરૂચ શાલીમાર શોપિંગ સેન્ટરમાં ચોરી
અંદાજીત ૧ લાખથી વધુના મુદ્દામાલની ચોરી
ચોરીની ઘટના સીસીટીવી કેમેરામાં કેદ
ભરૂચ શહેરમાં વહેલી સવારે શાલીમાર શોપિંગ સેન્ટરમાં આવેલ બુરહાની મોબાઈલની શોપના પાછળના ભાગે ગ્રીલ તોડી નવા-જુના ફોન સહીત એસેસરીઝ મળી અંદાજીત ૧ લાખથી વધુના મુદ્દામાલની ચોરી કરી ફરાર થઇ ગયા હતા જો કે ચોરીની ઘટના સીસીટીવી કેમેરામાં કેદ થઇ છે.
ભરૂચ શહેરમાં રહેતા ઈબ્રાહીમ ભરૂચાની શાલીમાર શોપિંગ સેન્ટરમાં આવેલ બુરહાની મોબાઈલની શોપ નામની દુકાન ચલાવે છે જેઓની દુકાનને તસ્કરોએ નિશાન બનાવી હતી તસ્કરોએ દુકાનમાં વેન્ટિલેશન માટે લગાવેલ ગ્રીલ તોડી અંદર પ્રવેશ કર્યો હતો અને દુકાનમાં રહેલ નવા-જુના ફોન મળી ૧૦ ફોન અને એસેસરીઝ મળી અંદાજીત ૧ લાખથી વધુના મુદ્દામાલની ચોરી કરી ફરાર થઇ ગયા હતા ચોરીની ઘટના સીસીટીવી કેમેરામાં કેદ થઇ છે.જેમાં એક તસ્કર ચોરી કરતો હોવાનું સામે આવ્યું છે ચોરી અંગે એ ડીવીઝન પોલીસે ગુનો નોંધાવાની તજવીજ હાથ ધરી છે અને સીસીટીવી કેમેરાના ફૂટેજના આધારે તસ્કરોનું પગેરું શોધાવની તજવીજ હાથ ધરી છે ચોરીની ઘટનાને અંજામ આપી તસ્કરો સાધનો પણ સ્થળ પર મૂકીને નાસી ગયા હતા.
વિડિઓ જર્નલિસ્ટ વીરેન્દ્ર પાટીલ સાથે સત્યા ટીવી ભરૂચ
