અંકલેશ્વરમાં બોરભાઠા ગામમાં ચાર ઈસમોએ દંપતીને માર મારતા પોલીસ ફરિયાદ
કાંટાની વાડ હટાવવા બાબતે ચાર ઈસમોએ દંપતીને માર માર્યો
પત્નીને લાકડાના સપાટા વડે ધીક્કા પાટુનો માર મારી ઈજાઓ પહોંચાડી
અંકલેશ્વરના જુના બોરભાઠા બેટ ગામના આદિવાસી ફળિયામાં કાંટાની વાડ હટાવવા બાબતે ચાર ઈસમોએ દંપતીને માર મારતા પોલીસ ફરિયાદ નોંધાવવા પામી છે.
અંકલેશ્વરના જુના બોરભાઠા બેટ ગામના નિશાળ ફળિયામાં રહેતા રમેશ મોહન પટેલ અને તેઓના પત્ની ગતરોજ સવારે ટ્રેકટર લઇ આદિવાસી ફળિયાથી ગણોતે લીધેલ ખેતરમાં જતા હતા તે વેળા કાંટાની વાડ હોય તેને ખસેડવા જતા જ રાહુલ સુભાષ વસાવા ત્યાં આવી કોને પૂછીને કાંટાની વાડ હટાવી કહી ઝઘડો કર્યો હતો જે ઝઘડાનું ઉપરાણું લઇ નવીન નગીન વસાવા,લક્ષ્મીબેન નેમા વસાવા અને સોનાબેન નવીન વસાવાએ ભેગા મળી ખેડૂત અને તેઓની પત્નીને લાકડાના સપાટા વડે ધીક્કા પાટુનો માર મારી ઈજાઓ પહોંચાડી હતી ઈજાઓને પગલે ઈજાગ્રસ્તોને તાત્કાલિક સારવાર માટે ભરૂચની સિવિલ હોસ્પિટલ ખાતે ખસેડવામાં આવ્યા હતા મારા મારી અંગે શહેર પોલીસ મથક ખાતે ફરિયાદ નોંધાઈ છે.
વિડીયો જર્નાલિસ્ટ આકાશ પાટીલ સાથે સુરજ પટેલ સત્યા ટીવી અંકલેશ્વર
