નવસારી શહેરના છાપરા રોડ પર આવેલા એક ફ્લેટમાં દારૂ સંગ્રહ કરીને વેચવામાં આવી રહ્યો હોવાની બાતમી મળતા ટાઉન પોલીસે દરોડો પાડ્યો હતો. પોલીસે છાપો મારી 56 હજારના દારૂ સાથે 2ની ધરપકડ કરી હતી.
તુલસીમન સોસાયટીમાં રહેતા પ્રતીક ઉઠે બબલુ વિજયભાઈ મિસ્ત્રી અને પ્રફુલ સુમનભાઈ રાઠોડ એપાર્ટમેન્ટના ફ્લેટમાં દારૂનું વેચાણ કરતા હોવાની બાતમી નવસારી ટાઉન પોલીસને મળી હતી. જેથી પેટ્રોલિંગ દરમિયાન છાપરા રોડના ફ્લેટ પર પોલીસે રેડ કરતા વિસ્કીની 56 બોટલ મળી આવી હતી. જેને લઈ પોલીસે પ્રફુલ રાઠોડ અને પ્રતીક મિસ્ત્રીની ધરપકડ કરી છે. શહેરના મધ્ય અને પોશ વિસ્તારમાં લાંબા સમયથી દારૂનું વેચાણ થઈ રહ્યું હોવાની પોલીસને ગંધ આવતા રેડ કરીને મુદ્દામાલ ઝડપી લેવામાં આવ્યો છે. દારૂનો જથ્થો પહોચાડનાર વિમલ હસમુખ પટેલને વોન્ટેડ જાહેર કરવામાં આવ્યો છે. નવસારી શહેરમાં દારૂનું વેચાણ કરતા અન્ય તત્વોમાં ફફડાટ વ્યાપ્યો છે.
