નવા સંસદ ભવનનું ઉદ્ઘાટન એ ભવ્ય વારસાનું ઉદાહરણ છે’, વાંચો પક્ષ-વિપક્ષના નેતાઓ એ શું કહ્યું

નરેન્દ્ર મોદીએ નવા સંસદ ભવનનું ઉદ્ઘાટન કર્યું આ પ્રસંગે કેન્દ્રીય માર્ગ પરિવહન મંત્રી નીતિન ગડકરી સહિત ઘણા મંત્રીઓ એ શું કહ્યું જાણો

• નરેન્દ્ર મોદીએ નવા સંસદ ભવનનું ઉદ્ઘાટન કર્યું
• આ પ્રસંગે કેન્દ્રીય માર્ગ પરિવહન મંત્રી નીતિન ગડકરીએ કહી આ વાત 
• કોંગ્રેસ ગુલામીની માનસિકતાથી પીડિત પાર્ટી – ગિરિરાજ સિંહ

આજે વડાપ્રધાન નરેન્દ્ર મોદીએ નવા સંસદ ભવનનું ઉદ્ઘાટન કર્યું છે.આ પહેલા પીએમ મોદી અને લોકસભા સ્પીકર ઓમ બિરલા પૂજા પર બેઠા હતા. તામિલનાડુના અધિનમ સંતોએ ધાર્મિક વિધિઓ પછી પીએમ મોદીને સેંગોલ સોંપ્યું હતું, જેને પીએમ મોદીએ નવી સંસદના લોકસભા બિલ્ડિંગમાં સ્થાપિત કર્યું હતું.

કેન્દ્રીય માર્ગ પરિવહન મંત્રી નીતિન ગડકરીએ કહ્યું કે, ભારત તમામ લોકશાહીની જનની, નવા સંસદ ભવનનાં ભવ્ય ઉદ્ઘાટન દ્વારા તેના સમય-સન્માનિત મૂલ્યો અને પ્રખ્યાત વારસાનું ઉદાહરણ આપે છે.

બીજેપી નેતા રવિશંકર પ્રસાદે કહ્યું કે, રેકોર્ડ સમયમાં બનેલ આ આઇકોનિક સ્ટ્રક્ચર 60,000 થી વધુ શ્રમ યોગીઓના સમર્પણ અને સખત મહેનતનો પુરાવો છે. નવા સંસદ ભવનનું અમારું સ્વપ્ન સાકાર કરનાર તમામ શ્રમ યોગીઓનો હૃદયપૂર્વક આભાર.

જણાવી દઈએ કે કેન્દ્રીય મંત્રી અશ્વિની વૈષ્ણવે નવા સંસદ ભવનનાં ઉદ્ઘાટન પહેલા કોંગ્રેસ પર જોરદાર પ્રહારો કરતાં એમને કહ્યું હતું કે, સંસદ લોકશાહીનું મંદિર છે. વિરોધ પક્ષો હંમેશા પ્રજાસત્તાકને નબળું પાડતા આવ્યા છે. એક સમય એવો હતો જ્યારે રાહુલ ગાંધીએ વટહુકમ ફાડીને પ્રજાસત્તાકને નબળું પાડ્યું હતું. એક સમય એવો હતો જ્યારે રાહુલ ગાંધીએ અમારી સરકાર, અમારા પીએમનો વટહુકમ જનતાની સામે ફાડી નાખ્યો અને અમારી લોકશાહીને નબળી પાડી. વિરોધ પક્ષોએ હંમેશા લોકતંત્રને નબળું પાડ્યું છે. હું લોકતાંત્રિક સંસ્થાઓને મજબૂત કરવા માટે પીએમનો આભાર માનું છું. વિપક્ષે તેના નિર્ણય પર પુનર્વિચાર કરવો જોઈએ અને આ કાર્યમાં ભાગ લેવો જોઈએ.

આ પ્રસંગે ગૌરવ વ્યક્ત કરતાં કેન્દ્રીય મંત્રી મનસુખ માંડવિયાએ જણાવ્યું હતું કે, આજે દેશ માટે ગર્વની વાત છે કે સ્વનિર્મિત સંસદ આઝાદી પછી વિશ્વની સૌથી જૂની અને સૌથી મોટી લોકશાહીના જનપ્રતિનિધિઓને સમર્પિત થઈ રહી છે.

કોંગ્રેસના બહિષ્કારની ટીકા કરતા કેન્દ્રીય મંત્રી ગિરિરાજ સિંહે કહ્યું, “જૂની સંસદને ઘણા સમય પહેલા હટાવવાની જરૂર હતી પરંતુ કોંગ્રેસ ગુલામીની માનસિકતાથી પીડિત પાર્ટી હતી.” હવે મોદીજીએ નવી સંસદ દેશને સમર્પિત કરી છે.

કોંગ્રેસ સહિત 25 વિપક્ષી પાર્ટીઓએ આ સમારોહમાં ન આવવાની જાહેરાત કરી છે. વિરોધ પક્ષોનું કહેવું છે કે રાજ્યના વડા હોવાને કારણે રાષ્ટ્રપતિ દ્રૌપદી મુર્મુએ નવા સંસદ ભવનનું ઉદ્ઘાટન કરવું જોઈએ.