ભાજપે દેશનાં ચાર રાજ્યો માટે ચૂંટણીનાં પ્રભારીઓનું એલાન કર્યું છે.
ભાજપે ચૂંટણી પ્રભારીઓનું કર્યું એલાન
રાજસ્થાન, છત્તીસગઢ, મધ્યપ્રદેશ, તેલંગાણાની લિસ્ટ જાહેર
પાર્ટી અધ્યક્ષ જે.પી.નડ્ડાએ કરી નિમણૂક
ભાજપે ચૂંટણીનાં પ્રભારીઓનું એલાન કર્યું છે. દેશનાં 4 રાજ્યો માટે ભાજપે ચૂંટણી પ્રભારીઓની ઘોષણા કરી છે. રાજસ્થાન, છત્તીસગઢ, મધ્યપ્રદેશ, તેલંગાણાનાં રાજ્યો માટેનાં ભાજપનાં ચૂંટણી પ્રભારીની લિસ્ટ જાહેર થઈ. ભાજપ પાર્ટીનાં અધ્યક્ષ જે.પી. નડ્ડાએ નિમ્નલિખિત નિમણૂક કરી છે:
રાજસ્થાનમાં પ્રદેશ ચૂંટણી પ્રભારી તરીકે પ્રહલાદ જોશી જ્યારે સહ-ચૂંટણી પ્રભારી તરીકે નીતિન પટેલ અને કુલદીપ બિશ્નોઈની નિમણૂક થઈ છે.
છત્તીસગઢમાં ઓમ પ્રકાશ માથુર પ્રદેશ ચૂંટણી પ્રભારી જ્યારે સ્વાસ્થ્ય મંત્રી મનસુખ માંડવીયા સહ-ચૂંટણી પ્રભારી તરીકે ઘોષિત થયાં છે.
મધ્યપ્રદેશનાં પ્રદેશ પ્રભારી તરીકે ભૂપેન્દ્ર યાદવ જ્યારે અશ્વિની વૈષ્ણવ સહ-ચૂંટણી પ્રભારી તરીકે ફરજ બજાવશે .તેલંગાણામાં પ્રકાશ જાવડેકર પ્રદેશ ચૂંટણી પ્રભારી જ્યારે સુનીલ બંસલ સહ-ચૂંટણી પ્રભારી તરીકે નિયુક્ત થયાં છે
