ચોથી ભ્રમણકક્ષામાં પ્રવેશ્યું
ચંદ્રયાન-3 અત્યારે ચોથી ભ્રમણકક્ષામાં છે અને પૃથ્વીની પરિક્રમા કરી રહ્યું છે. ISRO તરફથી મળેલી માહિતી અનુસાર ચંદ્રયાન-3 આગામી 25 જુલાઈએ પાંચમી ભ્રમણકક્ષામાં પ્રવેશ કરશે અને તે પછી તે પૃથ્વીની ભ્રમણકક્ષાને સફળતાપૂર્વક ઓળંગી જશે. આ પછી ચંદ્રયાન-3 ચંદ્રની પરિક્રમા કરશે અને પછી ચંદ્રની સપાટી પર પગ મૂકશે.
ચંદ્રયાન-3ને 31 જુલાઈ અને 1 ઓગસ્ટની રાત્રે ચંદ્ર તરફ મોકલવામાં આવશે અને તે પૃથ્વીની ભ્રમણકક્ષા છોડીને ચંદ્રની કક્ષામાં પહોંચશે. આ પછી ચંદ્રયાન-3 ચંદ્રની આસપાસ જશે અને પછી 23 ઓગસ્ટે ચંદ્ર પર પગ મૂકશે. નોંધનીય છે કે, ચંદ્રયાન-3 ગત 14 જુલાઈના રોજ બપોરે 2.35 કલાકે આંધ્રપ્રદેશના શ્રીહરિકોટા સ્થિત સતીશ ધવન સ્પેસ સેન્ટરથી લોન્ચ કરવામાં આવ્યું હતું અને તે 15 જુલાઈના રોજ પૃથ્વીની બીજી કક્ષામાં સફળતાપૂર્વક પહોંચ્યું હતું. ઈસરોના વૈજ્ઞાનિકો ચંદ્રયાન-3ની દરેક ગતિવિધિ પર સતત નજર રાખી રહ્યા છે અને ધીમે ધીમે તેની ગતિ વધારી રહ્યા છે.
