કોંગ્રેસ નેતા રાહુલ ગાંધી ના કથિત ‘ફ્લાઈંગ કિસ‘ વિવાદે હોબાળો મચાવ્યો છે. આ વિવાદ વચ્ચે એક મહિલા IAS ઓફિસરનું ટ્વિટ વાયરલ થઈ રહ્યું છે. તેમણે ટ્વિટ કરીને મણિપુરની મહિલા સાંસદોને વીડિયોની યાદ અપાવી છે, જેની સહી તે પત્રમાં છે. તેણે પોતાના ટ્વિટમાં લખ્યું, જરા વિચારો કે મણિપુરની મહિલાઓને કેવું લાગ્યું હશે? તમને જણાવી દઈએ કે આ મહિલા IASનું નામ શૈલબાલા માર્ટિન છે.
બુધવારે સંસદમાં અવિશ્વાસ પ્રસ્તાવ પર ચર્ચાના બીજા દિવસે કેન્દ્રીય મંત્રી સ્મૃતિ ઈરાનીએ રાહુલ ગાંધી પર ‘ફ્લાઈંગ કિસ’નો આરોપ લગાવ્યો હતો. ઈરાનીએ કહ્યું કે, કોંગ્રેસ નેતાએ સદનની બહાર નીકળતી વખતે ‘ફ્લાઈંગ કિસ’ ઈશારો કર્યો હતો. આ પછી, આને લઈને વળતો હુમલો શરૂ થયો. ઘણી મહિલા સાંસદોએ આ અંગે લોકસભા અધ્યક્ષને ફરિયાદ કરી હતી.
મહિલા IAS અધિકારીએ મણિપુરમાં નગ્ન મહિલાઓના વીડિયોની યાદ અપાવી.19 જુલાઈના રોજ મણિપુરમાં એક વીડિયો વાયરલ થયો હતો. આ વીડિયોમાં ભીડે બે મહિલાઓને નગ્ન અવસ્થામાં રસ્તા પર ઉતારી હતી. આ શરમજનક ઘટના મણિપુરમાં 4 મેના રોજ બની હતી પરંતુ વીડિયો 19 જુલાઈના રોજ વાયરલ થયો હતો. મણિપુરમાં બનેલી આ ઘટનાની માત્ર દેશ જ નહીં પરંતુ વિશ્વના અનેક દેશોએ નિંદા કરી હતી.
