મહંમદપુરા પાસે રમાઈ રહ્યો છે વરલી મટકાનો જુગાર
મોબાઇલથી જુગાર રમતા ૩ આરોપીની ઝડપી પાડ્યા
કુલ રૂ..૫૭,૦૪૦/-ના મુદામાલ સાથે ઝડપી પાડ્યા
અન્ય ૪ આરોપીઓને વોન્ટેડ જાહેર કરી કાર્યવાહી હાથ ધરી
ભરૂચ મહંમદપુરા સર્કલ પાસે ૩ ઇસમો તેની કાળા કલરની પલ્સર બાઇક ઉપર બેસી વરલી મટકાનો આંકડાનો જુગાર રમતા 3 શખ્સોને ભરૂચ LCB એ ઝડપી પાડ્યા છે જયારે અન્ય ૪ આરોપીઓને વોન્ટેડ જાહેર કરી કાયદેસરની કાર્યવાહી હાથ ધરી છે .
ભરૂચ એલ.સી.બી.પી.આઇ. ઉત્સવ બારોટ દ્વારા ભરૂચ જીલ્લા પોલીસ અધિક્ષક મયુર ચાવડાની સુચનાઓ અન્વયે લોકલ ક્રાઇમ બ્રાંચની અલગ અલગ ટીમો બનાવી પ્રોહી/ જુગારના કેસો શોધી કાઢવા સઘન પ્રયત્નો હાથ ધરવામાં આવ્યા હતા. દરમ્યાન એલ.સી.બી ની ટીમ ભરૂચ શહેર વિસ્તારમાં પેટ્રોલીંગમાં હતી, ત્યારે બાતમી મળેલ કે મહંમદપુરા સર્કલ પાસે ૩ ઇસમો તેની કાળા કલરની પલ્સર બાઇક ઉપર બેસી વરલી મટકાનો આંકડાનો જુગાર અન્ય ગ્રાહકોની પાસે રૂબરૂમાં તેમજ ફોન દ્વારા મેળવી જુગાર રમાડે છે.
જે આધારે ભરૂચ LCBની ટીમ દ્વારા જુગારની સફળ રેડ કરી મોબાઇલથી જુગાર રમતા ૩ આરોપી ઇન્તેખા આલમ નાગોરી રહે.મકન નં.૧૨૪૮ નાગોરી વાડ તા.જી.ભરૂચ.અવિનાશ રણછોડ વસાવા રહે.લીમડી ચોક વાઘરી વાડ તા.જી.ભરૂચ., વિશાલ દીનેશ વસાવા રહે, લીમડીચોક વાધરી વાડ તા.જી.ભરૂચને ઝડપી પાડ્યા હતાં. ભરૂચ લોકલ ક્રાઇમ બ્રાંચની ટીમે ઝડપાયેલ આરોપીઓની અંગ ઝડતીના રોકડા રૂપીયા રૂ.૧૨,૦૪૦/-, મોબાઇલ ફોન નંગ.૧ કિ.રૂ. ૫,૦૦૦/- તથા પલ્સર બાઇક કિં.રૂ. ૪૦,૦૦૦/- મળી કુલ કિમત રૂ..૫૭,૦૪૦/- ના મુદામાલ સાથે ઝડપી પાડી તથા આ ગુનામાં અન્ય ૪ આરોપીઓને વોન્ટેડ જાહેર કરી કાયદેસરની કાર્યવાહી કરી આગળની તપાસ ભરૂચ શહેર બી ડિવિઝન પોલીસ મથકે સોંપવામાં આવેલ છે.
વિડીયો જર્નાલિસ્ટ વીરેન્દ્ર પાટીલ સાથે સત્યા ટીવી ભરૂચ
