ફિલ્મ ‘ગદર 2’ 100 કરોડના ક્લબમાં સામેલ થવાની તૈયારીમાં છે. આ સાથે જ OMG 2 ફિલ્મ ગદર 2ના વાવાઝોડામાં લગભગ ગાયબ થઈ ગયું છે. એક તરફ વિવેચકો અને પ્રેક્ષકો તરફથી અક્ષય કુમારની ફિલ્મ OMG 2ને સકારાત્મક પ્રતિસાદ મળ્યો છે પણ કમાણીની દ્રષ્ટિએ ખૂબ પાછળ રહી. ચાલો જાણીએ બંને ફિલ્મના બે દિવસનું કલેક્શન.
ફિલ્મ ‘ગદર 2’ નું આશરે 83.10 કરોડનું કલેક્શન થયું સની દેઓલ અને અમીષા પટેલની ગદર 2 અક્ષય કુમારની OMG 2 સાથે 11 ઓગસ્ટે રિલીઝ થઈ હતી. પહેલા દિવસે ‘ગદર 2’ 40.10 કરોડની ઓપનિંગ કરી હતી તો તેની સામે OMG 2 એ 10.26 કરોડનું કલેક્શન કર્યું હતું. આ સાથે જ જો બીજા દિવસે આ ફિલ્મોના બોક્સ ઓફિસ કલેક્શનની વાત કરીએ તો શરૂઆતના આંકડાઓ અનુસાર ‘ગદર 2’ એ બીજા દિવસે 43 કરોડનો બિઝનેસ કર્યો હોવાનું કહેવાય છે. આ સાથે તેનું બે દિવસનું કુલ કલેક્શન 83.10 કરોડનું કલેક્શન થઈ ગયું છે.
આ સાથે અક્ષય કુમારની ફિલ્મ ‘OMG 2’ની વાત કરીએ તો ફિલ્મે બે દિવસમાં 24.76 કરોડનું કલેક્શન કર્યું છે. બીજા દિવસની વાત કરીએ તો ફિલ્મે ભારતમાં 14.50 કરોડનો બિઝનેસ કર્યો છે. આ સાથે જ ફિલ્મને લોકો તરફથી સકારાત્મક પ્રતિસાદ મળ્યો હતો. ફિલ્મની કમાણી ધીમી છે કારણ કે તેનું એક પરિબળ ‘A’ સર્ટિફિકેટ માનવામાં આવી રહ્યું છે. જેના કારણે બાળકો તેને જોઈ શકતા નથી. આ કારણે પરિવાર પાસે ‘ગદર 2’નો વિકલ્પ છે. તેની સીધી અસર OMG 2ના કલેક્શન પર જોવા મળી રહી છે.
