સ્વચ્છતા અભિયાન અંતર્ગત સફાઈ ઝુંબેશ
BOBની ક્ષેત્રીય શાખા દ્વારા સ્વચ્છતા અભિયાન
દેશના લોકોએ સફાઈ,સ્વચ્છતા કરવા માટે અપીલ
બેંકના પ્રમુખ સહિતના અધિકારીઓ,કર્મચારીઓ હાજr
ભરૂચની બેંક ઓફ બરોડાની ક્ષેત્રીય શાખા દ્વારા સ્વચ્છતા અભિયાન અંતર્ગત સફાઈ ઝુંબેશ હાથ ધરવામાં આવી હતી.જેમાં બેંકના કર્મચારીઓએ જોડાઈને સફાઈ અભિયાનમાં ભાગ લઈ સફાઈ કરી હતી.
સમગ્ર ભારતમાં 15 મી સપ્ટેમ્બરથી 2 જી ઓક્ટોબર ગાંધી જયંતી નિમિત્તે ‘સ્વચ્છતા હી સેવા અભિયાન ચાલી રહ્યું છે,ત્યારે વડાપ્રધાન નરેન્દ્ર મોદીએ સમગ્ર દેશના લોકોને તેમના વિસ્તારમાં એક કલાક શ્રમદાન કરીને સફાઈ અને સ્વચ્છતા કરવા માટે અપીલ કરી હતી.જેના ભાગરૂપે શીતલ સર્કલ નજીક આવેલી બેંક ઓફ બરોડા ક્ષેત્રિય કાર્યલય ખાતે સફાઈ અભિયાનનું આયોજન કરાયું હતું.જેમાં બેંકના અધિકારીઓ,કર્મચારીઓએ નર્મદા મૈયા બ્રિજ નીચેથી શીતલ સર્કલ સુધી સફાઈ કરવામાં આવી હતી.આ સફાઈ અભિયાનમાં બેંકના ક્ષેત્રિય પ્રબંધક રાજ કર્ણ,ઉપ ક્ષેત્રિય પ્રમુખ રાકેશ મિશ્રા,અગ્રણી બેંકના પ્રમુખ જીગ્નેશ પરમાર સહિતના અધિકારીઓ અને કર્મચારીઓ હાજર રહ્યા હતાં.
વિડીયો જર્નાલિસ્ટ વીરેન્દ્ર પાટીલ સાથે સત્યા ટીવી ભરૂચ
