સુરતનાં ડિંડોલીમાં બેફામ ડમ્પરે બાળકને અડફેટે લીધો હતો. અકસ્માતમાં 5 વર્ષનાં બાળકનો હાથ કપાયો હતો. મંદિરેથી દર્શન કરીને બાળક પરત આવતો હતો. તે દરમ્યાન અકસ્માત સર્જાયો હતો. શહેરનાં રસ્તાઓ પર બેરોકટોક દોડતા ડમ્પરો સામે કાર્યવાહી કરવા રહીશોની માંગ છે. સુરતમાંજ કામરેજ નજીક બે કન્ટેનર વચ્ચે અકસ્માત સર્જાયો હતો. અકસ્માતમાં કન્ટેનરનાં ક્લીનરનું મોત થયું હતું. ગાઢ ધુમ્મસ હોવાથી કન્ટેનર પાછળથી બીજું કન્ટેનર અથડાયું હતું. કન્ટેનરમાં પંચર પડ્યું હોવાથી હાઈવે પર ઊભું હતું. ત્યારે અકસ્માત બાદ હાઈવે પર ટ્રાફિક જામ સર્જાયો હતો. જીલ્લા ટ્રાફિક પોલીસે ઘટનાં સ્થળે પહોંચી ટ્રાફિક ક્લિયર કરી આગળની કાર્યવાહી હાથ ધરી હતી.
અમદાવાદનાં થલતેજ પાસે ગઢડા સ્વામિનારાયણ મંદિરનાં SP સ્વામીની ગાડીનો અકસ્માત થયો હતો. SP સ્વામીએ સ્ટીયરીંગ પરનો કાબુ ગુમાવતા કાર ટ્રાફિક ચોકીમાં ધુસી ગઈ હતી. ત્યારે આ બાબતે પોલીસે SP સ્વામી સામે ગુનો નોંધી તપાસ હાથ ધરી હતી. કાર ટ્રાફિકની ચોકીમાં ઘુસી જતા ભારે નુકશાન થવા પામ્યું હતું.
સુરતમાં ધુમ્મસનાં કારણે અકસ્માત સર્જાયો છે. નેશનલ હાઈવે 48 પર અનેક અકસ્માત સર્જાયા છે. કામરેજ ઘલા રોડ પર એક સાથે ચાર કાર અથડાઈ હતી. કારમાં સવાર બે લોકોને ઈજા થતા હોસ્પિટલ ખસેડાયા હતા. સવારથી 10 વાગ્યા સુધી ધુમ્મસ પથરાયેલ રહેતા અકસ્માત સર્જાયો હતો.
બનાસકાંઠાનાં ડીસા-પાટણ હાઈવે પર હીટ એન્ડ રન અકસ્માત સર્જાયો છે. રીક્ષાને અજાણ્યો વાહન ચાલકે ટક્કર મારી ફરાર થઈ ગયા હતા. અકસ્માતમાં મુસાફર નિકુલ સોલંકીનું મોત નિપજ્યું હતું. રીક્ષા ચાલક સહિત બે લોકો ઈજાગ્રસ્ત થયો હતો. ડીસા તાલુકા પોલીસે વધુ તપાસ હાથ ધરી હતી.
