ભરુચ એલસીબીએ વાલિયાની સિલુડી ચોકડીથી ડુંગરી ગામ જવાના માર્ગ ઉપર નલધરી ગામની સીમમાં શેરડીના ખેતરની બાજુમાંથી 13.69 લાખનો દારૂ અને વાહનો મળી કુલ 18.24 લાખના મુદ્દામાલ સાથે પાંચ બુટલેગરોને ઝડપી પાડ્યા હતા
https://www.instagram.com/reel/C2PYya_vx-2/?utm_source=ig_web_copy_link&igsh=MzRlODBiNWFlZA==
ભરુચ એલસીબીનો સ્ટાફ વાલિયા તાલુકામાં નાઈટ પેટ્રોલિંગમા હતો તે દરમિયાન બાતમી મળી હતી કે, માંડવી તાલુકા તુકેદ કદવાલી ગામનો બુટલેગર સુનિલ બાબુ ગામિત વાલિયાની સિલુડી ચોકડીથી ડુંગરી ગામ જવાના માર્ગ ઉપર નલધરી ગામની સીમમાં શેરડીના ખેતરની બાજુમાં વિદેશી દારૂનો મોટો જથ્થો કટિંગ કરનાર છે.જેવી બાતમીના આધારે પોલીસે દરોડા પાડ્યા હતા પોલીસને સ્થળ પરથી વિદેશી દારૂની 9519 નંગ બોટલ મળી આવી હતી પોલીસે 13.69 લાખનો દારૂ અને ઈકકો,અન્ય કાર તેમજ બાઇક મળી કુલ 18.24 લાખનો મુદ્દામાલ કબ્જે કર્યો હતો અને માંડવી તાલુકા તુકેદ કદવાલી ગામનો બુટલેગર સુનિલ બાબુ ગામિત,સુનિલ વિનોદ વસાવા,અલ્પેશ વિનોદ વસાવા અને ચંદ્રકાંત લક્ષ્મણ વસાવા તેમજ શશિકાંત મહેશ વસાવાને ઝડપી પાડ્યો હતો.જ્યારે માંડવીના નૌગામા ગામના પરેશ મારવાડી સહિત 10 બુટલેગરોને વોન્ટેડ જાહેર કરી વધુ તપાસ હાથ ધરી છે.
વિડીયો જર્નાલિસ્ટ સંજય વસાવા સાથે સત્યા ટીવી વાલિયા
